2 راستا
تنويه :- القصه بالكامل مستوحاه من قصه حقيقيه .
غيبت عليكم ليا شويه لكن فيه امور كتير حصلت زي ما بيقول الاجانب ميه كتير عدت من تحت الجسر زي ما الناس اللي بتسمعني وبتقرا ليا عارفين بس بعد الغيبه ديه انا جاي ومعايه احداث اعتقد انها هتعجبكم زي ما بنقول باللغة العربيه احداث تحبث الانفاس وبتمني تشد انتباهكم اسيبكم مع الاحداث .... اه نسيت افكركم بنفسي للي ميعرفنيش عشان محدش يقول مين اللي داخل فينا بعشم كده انا ياسر الغنيمي او اللقب المحبب لقلبي وقلب البعض محقق العفاريت .
ياسر :- اهلا بيكم ياشباب وبعزيكم وبعزي نفسي علي فقدان شروق وربنا يجعلها اخر الاحزان احب اعرفكم بزميله جديده انضمت لينا هنا في الفريق وهي يارا من اكفاء الناس اللي سمعت عنهم .
يارا :- شكرا يا فندم اولا ياريت تقبلوا تعازيا الحاره لفقدان حضرت الظابط شروق ثانيا انا كنت خايفه جدا لما سعادة اللوا عادل اتصل بيا وبلغني اني هبقي واحده من ضمن فريق ياسر باشا الغنيمي .
نور :- اهلا بيكي ويارب نبقي زي اللي سمعتيه عننا
يارا :- اكتر يا دكتور اكتر
ياسر :- احب اقدملك اعضاء الفريق دكتوره نور ودكتوره منه التشريح الجنائي والدكتوره نور المدام بتاعتي وسحر تصوير وشهد هي واحده اجازه بس هي من الاساسيين جدا وبنسميها فتاة المهام المستحيله اول ما ترجع هنعرفك عليها .
يارا :- اشهر من النار على علم معاليكم .
ياسر بجديه :- تمام ياشباب فيه عندنا قضيه جديده رزقك في رجليكي يا يارا ، القضيه قضيه اختفاء بنت عندها ٢٢ سنه بتشتغل ممرضه في واحده من المستشفيات الكبيره مختفيه ليها اكتر من ٤ ايام ساكنه في شقه مفروشه لوحدها في تريمف مصر الجديده لانها مغتربه مش من القاهره من السويس ، البنت اسمها ساندي .
يارا :- تمام طيب بالنسبه لشكلها هل فيه علامه مميزه عشان نبتدي البحث وهل ليها اصحاب نسألهم هل ليها خصوم او اي شئ يساعدنا ؟
ياسر :- هو مبدئياً بالنسبه للعلامات المميزه هي ديه صورتها هي كانت بتعمل شعرها بالشكل ده التسريحه بتاعة الافارقه
نور :- اه بتتسمي راستا يا ياسر
ياسر:- اه هي البتاعه دي ، المهم انا طلبت صحابها هما ٢ ممرضات دول اقرب ناس ليها واحده اسمها سمر والتانيه ثريه فا بما ان شهد اجازه انا ويارا هنستجوب الناس وسحر هتحاول تجمع معلومات عن المفقوده يلا علي بركة الله .
...…
يارا :- اهلا بيكي ياتري ايه علاقتك بالمفقوده ؟
سمر :- احنا التلاته ومعانا ثريه تقريبا مبنسيبش بعض غير نادراً كنا اخواتها في القاهره
يارا :- تمام ايه اللي حصل قبل ما تختفي راحت فين سيبتوها امتي ؟
سمر :- بصي حضرتك انا وهي وثريه خلصنا شغل متأخر فا نزلنا من المستشفي اتعشينا سوا وهي خدت عربيتها وروحت علي حوالي ١٠ بليل وبعدها ولحد دلوقت منعرفش اي حاجه عنها تماما .
يارا :- اوكي عندك اقوال تانيه ؟
سمر :- لا يا فندم . اقدر ماشي
يارا :- اه اوي اتفضلي
....
ياسر :- ها ايه الجديد؟
يارا :- لا جديد المفقوده ملهاش خصوم
سحر تقاطعهم وهي تلهث :- اسفه يا فندم ، الشرطه لقيوا عربيه ساندي موجوده علي طريق مصر اسكندريه الصحراوي بس ملهاش اي خدش حتي والونش جابها ونور ومنه بيرفعوا البصمات اللي جواها .
ياسر :- تمام يلا بينا عالطب الشرعي
...…
نور :- رفعنا البصمات كلها اللي في العربيه مفيش اي بصمات غريبه هي بصمات ثريه وسمر وبصماتها بس فيه حاجه غريبه ، لما لقيوا العربيه كان الباب اليمين مفتوح والشمال مقفول والشنطه مفتوحه يعني لو هي نزلت من العربيه هيبقي الباب المفتوح الشمال مش اليمين واتاكدت ان الباب الشمال شغال مش معلق مثلا عشان تنزل من اليمين
يارا تدخل من باب الغرفه :- لو سمحت يا فندم لو ممكن كلكم تحضروا الشهاده ديه
يتجهوا لغرفة يارا
ياسر :- اسمك وسنك وعنوانك و ايه اللي جايه تقوليه ؟
ناصره :- اسمي ناصره عبد الجليل ٣٥ سنه ساكنه نفس الشقه اللي كانت ساكنه فيها ساندي اما من حيث انا جايه ليه ده موضوع يحتاج لسعة صدر سيادتكم
ياسر بنفاذ صبر:- ياريت تخشي في الموضوع علي طول
ناصره :- حاضر .. انا سكنت في الشقه اللي كانت فيها ساندي من يومين و نفس يوم سكني حلمت بحلم غريب ان فيه بنت شعرها متضفر كذا ضفيره او زي ما مكتوب في التنويه معمول راستا بتجري من ضل ضخم ومبتقوليش بس غير كلمة اهربي .
يارا بصوت عالي :- و احنا المفروض نعمل ايه نيجي نطبطب عليكي عشان تنامي ولا ايه ؟
ياسر :- لحظه ، كملي يا ناصره
ناصره :- انا عارفه الكلام اللي هقوله هتقولوا عليه تخريف لكن اسمعوه للاخر ، انا وسيطه روحانيه وهقدر اتواصل مع روح ساندي واعرف هي بتحاول تحزرني من ايه وهي فين ، انا نسيت اقول ان النهارده الصبح وانا بعمل الفطار لقيت الحروف المغناطيسيه اللي ملزوقه علي التلاجه متجمعين علي شكل جملة ( get out ( يعني اخرجي بره فا لو حابين تحضروا اوك لو لا ماشي
ياسر :- انا هاجي ، بس لو لقيت الكلام ده تضييع وقت هتندمي جدا
ناصره :- لا متقلقش النهارده هيتم الامر بليل الساعه ١٠ في شقة ساندي
...
الساعه العاشره في الشقه
ناصره :- اهلا بحضرتك كنت واثقه ان معاليك جاي من اللي سمعته عنك
ياسر :- المهم هنخلص الموضوع ده امتي ومين البنت ديه
ناصره :- ديه مايسه عندها ١٠ سنين لازم لروح ساندي جسم مادي تتجسد فيه ولازم الجسم المادي ده يكون ليه روح شفافه فا بنستعين بطفل ، جاهزه ؟
مايسه :- اه يا طنط بس انا خايفه
ناصره بحنان :- متخافيش يا حبيبتي كله هيبقي تمام
مايسه :- اوك انا جاهزه اعمل ايه
ناصره :- غمضي عنيكي بس مش عايزه منك غير كده
ناصره :- هاتي ايدك كله يسكت ( يا ايتها الروح النقيه يا ايتها الروح النقيه نحن ندعوك الي مجلسنا يا روح ساندي ندعوك كي نستضيفك في جسد مايسه الطفله )
صرخه عاليه من مكان ما
ناصره :- محدش يخاف الروح حضرت ، اهلا بيكي
مايسه ( ساندي ) :- اهلا بيكي كنت بحاول احزرك
ناصره :- من ايه ؟!
مايسه (ساندي ) :- هتموتي في البيت ده زي ما مت انا
ناصره :- مين قتلتك ؟!
مايسه (ساندي ):- فكريه صاحبه الشقه . تحت السرير ، اوضة النوم ( صرخه اخري )
ناصره :- مايسه فوقي
مايسه :- ايه !! انا فين ؟؟؟ ايه حصل يا طنط ؟!
ناصره :- مفيش حاجه متخافيش
ياسر :- ايه بقا موضوع تحت السرير ده ؟
ناصره وهي تتجه لغرفه النوم :- ساندي هنا مدفونه هنا
بعد ازاحه السرير والحفر تحته فنحن في الدور الارضي
ياسر :- الو ابعتلي عربيه اسعاف هنا يا ابني ، ناصره فين فكريه ديه ؟
ناصره :- في الدور التاني فوقي
نور :- الضحيه ماتت مخنوقه والبصمات اللي علي الرقبه بصمات واحدة في الاغلب لان الصوابع صغيره
ياسر :- خديلي يا نور بصمات فكريه ، ولو مطلعتش بصماتها خدي بصمات ناصره
نور :- البصمات طلعت بصمات فكريه
يارا :- وبعد الاستجواب اتضح ان الست كان عندها بنت ماتت وهي بتعمل عمليه واللي عملتهالها دكتوره ، فكانت بتاجر الشقه لدكاتره بنات عشان تقتلهم كانها كده بتنتقم لبنتها
ناصره :- طيب انا مش دكتوره ليه كانت هتقتلني ؟
يارا :- السمسار فهمها انك دكتوره عشان تاجرلك الشقه وياخد عمولته .
ياسر :- عشان واحده فكرت ان الموت والحياة ده مش دكاتره اللي بتحدده ده ربنا اللي كاتبه واحده غلبانه دفعت تمن حاجه معملتهاش ... اكتب يابني قررنا نحن المقدم ياسر الغنيمي بحبس المتهمه فكريه السيد اربعة ايام علي زمة التحقيق وقد اغلق المحضر في ساعته وتاريخه اكتب الساعه والتاريخ .
تمت
