Questing Heirs: Tadhana ng Magkapatid

Book 1 of Questing Heirs Trilogy: Fate of Brothers/ Tadhana ng Magkapatid. "Ang poot ay parang isang apoy na kapag sumiklab, magliliyab hanggang sa kumalat at sirain ang lahat." Maituturing na perpektong magkapatid ang mga Prinsipe ng Imperyong Cenpyre. Si Costan ang nakababatang prinsipe at si Fierro naman ang prinsipeng tagapagmana ng trono. Wala na silang mahihiling pa, ngunit sa isang iglap mag-iiba ang lahat. Sa pagdating ng babaing bibihag sa kanilang mga puso, sisiklab ang hidwaan sa pagitan ng magkapatid. Sa labis na pag-aasam sa kapangyarihan, sisirain ng kasakiman ang kanilang magandang samahan. Kasabay ng mga kaguluhan, matutuklasan ng isa sa kanila ang nakapangingilabot na misteryong bumabalot sa kanyang pagkatao. Isang kapangyarihang habang buhay na babago sa ikot ng kanilang mundo. Ito nga ba ang kanilang kapalaran? Itinadhana nga ba silang maging magkalaban?