Light Flow Reversal

Kilala ang tatlong Holy Sword ng Valkyrie bilang ilan sa mga pinakamakapangyarihang Artifact sa Feinan.

Kung makaharap ng isang mortal ang mga Holy Sword na ito, wala silang paraan para salagin ito at wala silang magagawa kundi tumakas.

Halimbawa, kahit na mayroong nang katawan ng isang God si Dark Phoenix, nagdulot pa rin ng pinsala sa kanyang katawan ang Holy Sword.

Sa God Realm, kadalasan ay hindi na mahalaga ang mga sandata dahil walang sandata ang makakahigit sa lakas ng lahat ng naroon sa level na iyon. Subalit, mayroong mga sandatang naiiba.

Maging ang tatlong Holy Sword man o ang Sodom's Blades, ito ay mga sandatang nakakapagbigay takot sa mga Legend at mga God!

Sa harap ng malakas na kapangyarihan ni Eve, walang balak umatras si Marvin!

Ano naman kung tambangan siya ng tatlong ito?

Kaya nga ibinigay n ani Marvin ang kanyang Essence Absorption System dahil kampante na siya sa kakayahan niyang kalabanin ang sino mang tumugis sa kanya.

Dahil sa walang humpay na daloy ng Divine Power mula sa False Divine Vessel, kahit pa kumalaban siya ng isang Mid-God, hindi siya dehado sa laban.

Kahit hindi pa umaabot sa Plane Guardian level ang lakas niya, sa tunay na laban, ang kanyang kakayahan sa pakikipaglaban ay kapantay na ng sa isang Plane Guardian!

Kumisap ang anino ni Marvin na parang anino at sinalubong ang mabagsik na Holy Sword.

"Bang!"

Nagliwanag ang kulay pulang liwanag nang pagsalubong ng Sodom's Blasé sa isang eksaktong parte ng Holy Sword!

May milagrong naganap! Ang magiting na Holy Sword ay biglang nanghina nang tamaan ni Marvin ang isang bahagi nito.

Sumimangot si Eve.

Magmula nang maipasa sa kanyang ang mga Holy Swords, hindi pa nangyayari ito kahit kailan.

Ang fencing style na ibinahagi sa kanya ng Valkyrie ay sapat nang kapangyarihan para umatake gamit ang Holy Sword mula sa malayo.

Nang matutunan ni Marvin ang tungkol sa mga Holy Sword sa laro, napabuntong hininga ito, at inisip na ang mga bagay na ito ay tulad ng mga imortal na espada na nasa mga alamat ng China.

Basta isipin lang ng nagmamay-ari nito, ay kusa na itong lilipad para umatake.

Hindi niya kailan man inakala na sa buong buhay niya ay aasintahin siya ng mga Holy Sword at susubukang nitong kitilin ang kanyang buhay!

Siniguado ni Marvin na manatiling mahinahon. Matatag pa rin ang kanyang willpower.

Nakakatakot ang pagsalag ni Marvin sa mga pag-atake gamit ang Sodom's Blades, ang lahat ng ito ay tumatama sa iisang parte ng Holy Sword.

Nagsimula nang magpakita ang epekto ng mabagsik na Desperation Style.

Ang Blade Technique Style na ito na mula sa Martial Path na ginawa ni Blade Master Kangen, ay mayroong pambihirang epekto. Hindi lang ito isang pamamaraan ng pagpatay, isa rin itong kakayahan na matukoy ang mahihinang bahagi ng iyong kalaban para mabilis itong malampasan.

Pagkagamit na pagkagamit ni Marvin ng Desperation Style, bahagya niyang naramdaman na hindi pantay-pantay ang kapangyarihan sa bawat bahagi ng Holy Sword matapos itong umalis sa kamay ni Eve.

Sa ilang bahagi nito ay masyadong malakas ang kapangyarihan, habang sa iba naman ay masyadong mahina.

Agad naman na nagdesisyon si Marvin na paulit-ulit na atakihin ang mga bahagi ng Holy Sword na mahina ang kapangyarihan, kaya naman pambihira ang naging resulta nito sa kanilang unang pagtutuos!

Ang Holy Sword, na hindi niya alam ang pangalan, ay napaatras dahil sa walang habas nap ag-atake.

…

Makikita ang pagkamangha ni Holy Paul sa kanyang mukha. Personal niyang naranasan ang kapangyarihan ng tatlong Holy Sword, amindao silang epektibo talaga ito laban sa mga God at mga ka-uri nila.

Kung hindi hawak ni Eve ang sandatang ito, hindi niya ito susundin.

Mataas na ang tingin nito kay Marvin pero lalo itong tumaas nang makita niya kung paano nito nagawang salagin nang napakahusay ang mga pag-atake ni Eve.

"Nakakamangha…"

May ngisi na makikita sa mga labi nito pero hindi pa rin ito kumilos.

Naaalala niya pa rin ang kahihiyang naranasan niya nang gawin siyang bihag ni Eve. Kahit na nagtutulungan na ang magkabilang panig, hindi pa rin malawak ang isipan ni Holy Paul. Hindi naman niya ito palihim na sasaksakin patalikod pero wala naman din problema sa kanya na makitang nahihirapan ito nang kaunti.

Pero syempre, hindi niya ito tahasang ipapakita, pero nagdesisyon siyang manatili muna sa isang tabi sa ngayon.

Hindi siya magkukusa na kumilios. Naramdaman niyang tatlong atake lang ay madidispatya na niya si Marvin, gayunpaman, gusto lang muna niyang manuod sa ngayon.

Hinihintay niyang manggaling kay Eve ang salita. Kapag humingi sa kanya ng tulong si Eve, tutulungan na niya ito.

Ang pinagkaiba lang sa sitwasyon na iyon, magkakaroon ng utang na loob si Eve kay Holy Paul.

Minsa, ang emosyon ng mga Human tulad ng pagmamataas ang pinakakapaki-pakinabang, lalo na sa mga tulad ni Eve.

…

Pero higit din sa inaasahan ng anak ng God of Dawn and Protection ang ipinamalas ni Eve.

Hindi talaga ito humingi ng tulong. Ni hindi ito tumingin sa kanya!

Nakatuon lang ang buong atensyon nito kay Marvin. Nang masalag ang kanyang unang Holy Sword, hindi siya pinanghinaan ng loob. Sa halip, nagningning pa ang kanyang mata!

"Woosh! Woosh!"

Isang kakila-kilabot na kapanyarihan ang lumabas mula sa kanyang kamay saka lumipad ang dalawa pa nitong Holy Sword. Naging dalawang malaking liwanag ito at luipad patungo sa magkabilang gilid ni Marvin.

At ang Holy Sword naman na sapilitang napa-atras ni Marvin ay biglang nabalot ng pambihirang pagkinang at muling inatake si Marvin.

Balak kitilin ng tatlong Holy Sword ang buhay ni Marvin!

Nang makita ni Holy Paul ang eksenang ito, nagulat siya.

Kahit ngayon ay nakakatakot pa rin para sa kanya ang kapangyarihan ng mga Holy Sword na iyon!

Paano haharapin ni Marvin ang mga ito bilang isang Mortal!

'Dapat tumakas na siya…'

Tahimik niyang hinulaan kung paano tatakas si Marvin mula sa pag-atake ng ng mga Holy Sword, at bahagyang umatras ito, naghahandang pigilan si Marvin sa pagtakas.

Sigurado siyang hindi kakayanin salagin ni Marvin ang tatlong Holy Sword nang sabay-sabay gamit ang Sodom's Blades.

Ang pagtakas lang ang pwede niyang gawin.

Pero noong mga oras na iyon, nanlaki ang mata ng matandang tahimik sa gilid at napatitig sa direksyon ni Eve!

Sa isang iglap, si Marvin, na napapaligiran ng tatlong Holy Swords ay biglang nagsimulang mawala!

Tila ba natataranta ito kasabay ng pagtatangkang tumakas.

Ngunit, kasabay nito, isang anino ang lumitaw sa likuran ni Eve mula sa kawalan!

Isang pulang liwanag ang kumisap, kasunod ng malamig na boses ni Marvin: "Nalilimutan mo ata. Walang silbi ang tinatawag na Balkyrie kung wala ang kanyang mga Holy Sword!"

Biglang natakot si Eve!

Hindi niya naramdamang papalapit si Marvin!

'Paano siya nakalagpas sa mga Holy Sword? Anong nangyayari?'

Pero wala na siyang oras para pag-isipan ito.

Nabalot na siya ng pulang liwanag mula sa Sodom's Blades.

Eternal Night Seal!

Isang nakakatakot na kapangyarihan ang humigop kay Eve papasok, pareho silang nawala ni Marvin!

…

"Masama 'to! Ang avatar na 'yon ay parehong-pareho sa tunay niyang katawan!" Namumutlang sabi ni Holy Paul, "Nanganganib si Eve!"

Agad nag ngtungo ang tahimik na matada sa lokasyon kung saan nawala ang dalawa. Malumanay niyang inunat ang kanyang kamay at bahagyang itinulak ito.

Isang ginintuang liwanag ang lumitaw at napaligiran ng hindi mabilang na mga maliliit na Angel ang matanda!

Divine Spell – Light Flow Reversal!