10 6 Month's Later
Ab chalte hain hain story ko thoda 6 mahine aage badhate hain.
6 months later ...…..
Aaj takreeban 6 mahine ho chuke hain uss hadse ko , aesa hadsa jisne meri saari zindagi palat ke rakh di .
Abhi main hospital ke gym mein majood hoon , meri yahan physio-therapy chal rahi hai , kuch din aur hospital mein rahna hai uske baad mujhe chutti de di jayegi.
Main kaafi excited hoon ghar jane ko , par thoda sa afsos bhi hai , kiyunki hospital mein jabardast wifi laga hua hai haha , aur saath hi saath mujhe kuch karna naheen padta , bus khao aur so jao . Mere jaese ek lazy insaan ke liye isse behtreen envirnoment kya ho sakta hai .
"Lekin jo cheez aati hai wo jaati bhi hai" . Usi tarah se mere ye aram ka waqt bhi jane wala hai .
Main excited is liye tha ki in 6 mahino mein mere andar achanak se ek craving (chahat ) ho gayi thi kaheen ghumne ki , shayad itne lambe samay tak ek hi jagah rahne ki wajah se .
In 6 mahino mein mujhme kayi badlaw aye the , kuch ki wajah maloom thi par kuch ki wajah aaj bhi ek mysteery(rahsay) thi .
In badlaw ne mujhe poora badla tha , jism ke baahari(external) hisse se jism ke androoni hisse tak .Meri soch , mere cheezon ko dekhne ka andaaz , mere cheezon ke samjhne ka andaaz , meri memory , etc etc sab badle the.
[ NOTE- jaese jaese kahani progress karegi apko in changes ke bare mein detail se pata chalega. ]
Meri skin ka color ab average asian se biklul hat kar ho gaya tha .Bilkul angrezon( british ) ki tarah ho gaya tha .
........
"WRITER's NOTE - Par agar aapne gaur kiya ho angrezon ko kareeb se , to aam-taur par unka gora-pan jitna door se accha lagta hai kareeb aane par bikul ajeeb sa lagne lagta hai . Lekin kiyunki is story ka main kirdaar Indian hai , aur apko to maloom hi hai ki Indian skin aur Indian Shaql badi hi acchi hoti hain .Yahi wajah thi ki is story ka main kirdaar kaafi handsome aur attractive lagne laga tha. " .{ end of writer's note)
...........
Skin ke color ke change hone ke saath-saath mere chahre pe ek bhi daag naheen bacha tha , jo pahle se kuch nishaan the , jaese ki mere sar(forehead) par aur mere left side ki cheek par , wo sab khatm ho gaye the .
{ aese nishaan aam taur par har insaan ke chahre par rahtein hain ,aur uski wajah bachpan mein girna jiski wajah se sar pe ya aur jagahon pe chot lagna , aur phir stiches(taakon) ka lagna aur jab taakain(stiches) nikaale jatein hain , to wo apne nishaan chod jaate hain .}
Mere chahre se sabhi daag hat jane ki wajah jo doctors ne mujhe batayi wo yah thi ki , mere skin ke cells ab bahut tezi se aur pahle se kayi guna acchhe se replicate(divide) karne lage hain .Aur shayad yahee wajah hai ki mere zakhm(injury) bhi normal logon se kayi guna zayda tezi se bharne (heal) lagain hain .
