266 Siya ay Isang Babaeng Hindi mo Kayang Hawakan (3)

"Syempre hindi, si Mian ay kapatid ko."

"Hindi naman kayo magkadugo." Diretsahan na sinabi ni Su Yu. Nag-iba naman ang ekspresyon ni Huo Siqian pero saglit lang ito.

"Masyado kang nag-iisip,Young Master Su. Hindi ko tipo si Mian."

"Tama, ang gusto mo kasi ay yung mga 36D o mas malaki pa."

"Haha, kilala mo nga ako."

Pagkatapos, nagpatuloy sa pag-uusap ang dalawa, ni isa sa kanila ay hindi na binanggit ang pangalan ni Huo Mian ulit.

Ngunit, may nadiskubre sila sa isa't isa.

Napagtanto ni Huo Siqian na talagang interesado si Su Yu kay Huo Mian.

Noong palapit siya rito, sumilip siya sa phone ni Su Yu at napansin na litrato ni Huo Mian ang kanyang tinitingnan.

At kahit na mabilis na pinindot ni Su Yu ang home button, nakita pa rin ito ni Huo Siqian.

Si Su Yu, sa kabilang banda, ay nadiskubre na nagiging weird ang ekspresyon ni Huo Siqian kapag nababanggit ang pangalan ni Huo Mian.