205 Pagpapapansin

"Babayaran kita ng isang libong yuan para sa isang piraso, anong sa tingin mo?" Mapagmataas na tanong ni Su Yu. Akala niya kasi, mareresolba ng pera ang lahat ng problema niya. Kung hindi, ibig sabihin lang nito, kailangan niya lang magbigay pa ng mas malaki.

"Ayoko," determinadong pagtanggi ni Huo Mian.

"Limang libo." Nilakihan ni Su Yu ang alok niya ng limang beses.

Tumingala si Huo Mian at matamis na ngumiti sa kanya…

Kaagad nakaramdam ng tagumpay si Su Yu, dahil akala niya papayag na ito sa alok niya. Pagkatapos kasi ng lahat, sino ang hindi makakahindi sa pera?

Ngunit, nagulat siya, pagkatapos nito ngumiti, kinuha ni Huo Mian ang kimbap at kinain ito sa harap niya.

Magana niya itong nginuya habang nanonood si Su Yu, kaya halos maglaway na ito.

"Makakabili ka na ng bisikleta sa halagang 5000 yuan. Bakit hindi ka nalang magpa-deliver? Paniguradong mas masarap ang pagkain nila kaysa sakin," pagrerekomenda ni Huo Mian.