101 Paghanga

Chapter 101: Paghanga

"Eh? Mian, sa tingin ko may tumatawag ng pangalan mo."

"Narinig ko rin," mahinang sagot ni Huo Mian.

"Huo Mian, nasaan ka, lumabas ka!" isang nagwawalang boses ng babae ang galing sa isang babaeng nakasuot rin ng puting lab coat.

Ang kanyang mahabang buhok ay pa-wave ang pagkakakulot, at siya ay may higit sa karaniwang ganda. Ang mukha niya rin ay puno ng mapang-akit na makeup pero ang kulay niya ay hindi ganoon kaganda.

"Mian, ayun o. Huh, hindi ba siya yung nurse galing sa opthalmology deparment?" turo ni Huang Yue sa may pinto.

Tumalikod si Huo Mian, kalmado pa rin siya kahit nakita na niya si He Man.

Pagkakita ni He Man kay Huo Mian, diretso itong pumunta sa kanya at may pagka-agresibo ito..

"Mian, mukha siyang naghahanap ng gulo! Mag-ingat ka," mahina siyang binalaan ni Huang Yue.

Tumango lang si Huo Mian, hindi ito nagsabi ng kahit ano.

"Huo Mian, tayo."

"May problema ba?"