204 Pag-aaway ng Dahil sa Pagkain

Nang biglang, tumunog ang electric stove, na ang ibig sabihin ay tapos na kumulo ang tubig. Kaagad namang itinulak ni Huo Mian si Qin Chu at awkward na tumayo.

"Um… handa na ang tubig. Kumain na tayo ng hotpot."

"Sige."

Puno ng pagnanasa ang mukha ni Qin Chu. Halatang gusto pa niya pero nakinig pa rin siya kay Huo Mian.

Kakasimula palang ng autumn at medyo malamig. Nag-enjoy ang dalawa sa pagkain ng mainit na hotpot sa kanilang bahay, at ang kanilang mga puso ay mainit dahil sa sabaw at pati na rin sa isa't isa.

Nang biglang, nagring ang cellphone ni Qin Chu.

"Anong kailangan mo?"

"Kakalabas ko lang sa trabaho, tara, inom tayo sa labas." Masayang sabi ni Gao Ran.

"Ayoko."

"Bakit hindi?" Kaagad nalungkot si Gao Ran dahil sa pagtanggi ni Qin Chu

"Kumain na ako sa bahay."

"Oh, kasama mo ang asawa mo. Hindi pa ako kumakain, pwede bang makikain ako sa inyo?"

"Ayoko," desididong pagtanggi ni Qin Chu.