333 Laban sa Pagitan ng Pera at Kapangyarihan (5)

Kaagad na umiling si Huo Mian nung narinig niya ang paratang ng nanay niya, "Hindi no."

"Iyan ang makakabuti. Tandaan mo, pwede mong pakasalan ang kahit sino sa mundong ito, basta huwag lang siya. Masyadong madaming nangyari na sa pagitan niyong dalawa… at hindi lang ito dahil sa buhay ng tao, pero kasama na rito ang pitong taon ng pagkamuhi."

Alam ni Huo Mian kung gaano kinamumuhian ng nanay niya ang Qin family; dati, pinahiya nito ang nanay niya at hinamak siya ng mga kapitbahay nila ng isang buong taon.

Nakakatakot ang chismis; pinag-usapan nila kung paano naging kabit si Yang Meirong nung kabataan niya, habang ang anak nito ay isang ahas na nang-aakit ng mga mayayamang tagapagmana para makipagtanan kasama nito.

Ang kanilang bigong pagtatanan din ay isang bagay na hindi makakalimutan ng dalawang pamilya...