841 Avenging My Little Brother (2)

Chapter 841: Ipaghihiganti Ko Ang Aking Nakababatang Kapatid (2)

Sa nakaraang 24 na taon ng buhay niya, ngayon lang nakakita si Huo Mian ng dagat na kasing ganda nito, parang hindi makatotohanan.

Sobrang linaw ng tubig, kita ang ilalim; lumalangoy ang mga isda sa mababaw na tubig, at hindi takot sa mga tao.

Asul at matingkad ang langit, parang natabig ng isang pintor ang kanyang palette… 

Lumulutang ang mga ulap sa langit, parang malambot na cotton candy… 

Mahirap isipin kung ano itsura ng eksena kung hindi mo makikita para sa sarili mo. 

Kahit sa paglubog ng araw, hindi matatapatan ang ganda ng lugar.

Ang photography team at bodyguards sa likod nila ay naglabasan ng mga phones para ma-picturean ang eksena.

Ginawa rin ito ni Zhixin; pagkatapos ng parang isang milyong photos, sumigaw siya kay Huo Mian, "Sis, 'wag kang gumalaw, pipicturean kita!"

Lumingon si Huo Mian at binigyan siya ng maliit na ngiti…