327 Ang Asawa niya ang Boss (9)

"Oh wow, ang galing, nakabili si Mian ng kotse," papuri ni Auntie Wu.

Ayaw magmukhang high-profile ni Huo Mian kaya tumango nalang siya bilang pagsagot, "Kumuha ako ng loan para bilhinito. Masyado kasing malayo ang tinitirhan ko sa trabaho kaya mas madali para sakin ang pumunta gamit ang kotse."

Nagulat siya dahil sumabat si Xu Liang, "Hindi lang yan basta kahit anong kotse, ito ay isang imported na model. Ang mga makina nito ay mas high-end kaysa sa mga gawa sa China, at ito ay nagkakahalaga ng 300,000 yuan."

"Ang mahal naman pala niyan, Mian. Ang ganda ng nakuha mo para sa sarili mo."

Walang masyadong alam si Auntie Wu sa mga kotse, pero alam niya na ang Audi A4 ng anak niya ay medyo hindi nalalayo ang presyo sa 300,000 yuan kaya naman namangha siya nung nalaman niya na halos magkaparehas ang presyo nito.

"Wala akong alam sa kotse, at isang kaibigan lang ang nagpakilala sakin ng model na ito kaya naman binili ko ito."