106 Abuso

Chapter 106: Abuso

"Magkita nalang tayo mamayang gabi," mahinang sabi ni Qin Chu

Gamit ang isang kamay, tinakpan ni Huo Mian ang kanyang namumulang mukha at nagmamadaling lumabas ng kotse.

Pagkatapos, tumakbo siya papunta sa ospital nang hindi lumilingon pabalik.

Pagkatapos, ilang sandali lamang, inikot ni Qin Chu ang kanyang Maybach at nagmaneho papunta sa kabilang direksyon.

Nang makarating si Huo Mian sa entrance ng ospital, nakita niya ang isang silver-white BMW 730 na dahan-dahang pumaparada malapit sa entrance ng ospital.

Nagtaka si Huo Mian. Ang parking spot na ito ay pagmamay-ari ng director ng ospital, pero ang kotseng minamaneho nito ay Audi A8.

Habang siya ay nag-iisip, isang babae ang lumabas mula sa kotse. Mukhang sobrang bata ng babae, at nasa kanyang twenties.

Hindi naman gaano kalaki ang kanyang mga mata, pero meron siyang mahaba at pinong mga kilay, at nakasuot siya ng hapit na pulang dress na agaw-pansin.