1 PEHLI DAFA

Mujhe college ke liye late ho chuka tha is liye main bhut jaldi mein thi, Bhagte bhagte station pahunchi aur train pakdi. college pahunchi toh lecture khatam ho chuke the, main bhut thak chuki thi, itne mein Tina mere paas aai aur mujhse puchne lagi "Tara! tumne itna important lecture miss kar diya, kyun?", "Main kal puri raat baith kar assignment likh rhi thi isliye sone mein der ho gyi thi, aur din mein aankh deri se khuli", "oh!"

baki ke lectures attend krne ke baad main aur Tina ghar ko nikal gaye, train already ja chuki thi aur baarish bi hone wali thi is liye main paidal hi ghar ke liye nikal gayi, achanak barish shuru ho gyi, apne bachao ke liye main ek shop ke paas jakr khadi ho gyi, Wha ek lamba chauda ladka, bheege baloun mein nili t-shirt aur hath mein physics ki textbook liye hue khada tha, shayad uski book bheeg chuki thi toh use dry krne ki koshish kr rha tha, main jaise hi waha pahunchi wo samne ki shop ki taraf chala gaya, wo bhi shayad barish band hone ka intezar kar raha tha.

Barish band hote hi wo waha se bhut tezi se bhag gaya jaise main ya wo mujhe janta ho aur kuch chupa raha ho, beher hal barish band hote hi main bi ghar pahunch gayi. Fresh hone ke baad chae banai aur books padhne baith gayi, kitna achha lagta hai na barish mein garam garam chae aur books!, na jane kyun mujhe us ladke ka khyal aane lga!, kuch bhi bolo lekin tha wo ladka bahut cute.