1 Chapter One

Kiara Monte's POV

"Bye Ma!" sigaw ko mula sa pinto ng bahay namin

Excited akong pumasok dahil makikita ko na ulit si Josh, bestfriend ko.

Nakangiti akong naglalakad habang nakatingin sa sapatos ko.

"Ang saya mo ah?"

Bigla akong napatigil nang marinig ko ang boses na yon. Unti-unti kong inangat ang ulo at tumingin sa taong nasa harapan ko at hindi nga ako nagkamali, sya nga.

"Josh!" masayang bati ko dito at tsaka ito niyakap

Natatawang niyakap nya naman ako pabalik.

"Bakit ang tagal mo? Sabi mo nung huli tayong mag-usap, isang linggo bago magsimula ang klase nandito ka na, eh bat ngayon ka lang? At tsaka bat hindi mo man lang ako tinawagan o kaya ti-next o kaya chinat" pinaulanan ko agad sya ng tanong matapos kong kumalas sa yakap naming dalawa

Natatawang ginulo nya naman ang buhok ko

"Sorry na bestfriend, may inasikaso pa kasi sila daddy sa Singapore tapos nasira pa yung cellphone ko kaya hindi kita nagawang contact-kin" naka-ngiting pag-hingi nito ng tawad

Pero hindi ko magawang suklian ang ngiti nya.

Bestfriend... Hay bestfriend naman talaga ako ah?

"Huy, galit ka ba? Sorry na nga eh" napabalik ako sa wisyo nang marinig ko ang boses nya

"H-ha? Ah oo, bayaan mo na yon tara na" sabi ko at tsaka nagunang maglakad pero agad nya rin naman akong sinundan at inakbayan

Walking distance lang ang bahay namin sa school na pinapasukan ko kaya naglalakad lang kami ni Josh sa tuwing pumapasok kami.

Sa isang village kami nakatira pareho at mag-kapitbahay din kami. Magkaibigan kasi si Mama at si Tita Chello, Mommy ni Josh kaya naging magkababata kami ni Josh.

Habang naglalakad papasok sa school ay nagkukwentuhan kaming dalawa tungkol sa bakasyon nya sa Singapore.

Doon kasi nakatira ang tita nya na nag-mamanage ng kumpanya nila doon, kaso ay naaksidente ang tita nya, kaya kailangan nilang pumunta doon dahil wala pang asawa at anak ang tita nya kaya walang mag-aalaga dito.

Pagkapasok namin sa main gate ng school ay maraming napapatingin sa amin lalo na sa kamay ni Josh na naka-akbay sa akin.

May itsura rin kasi 'tong mokong na 'to e. Kaya nga may mga naiinis sa akin dahil close kaming dalawa. May mga nagsasabi pa nga na nilalandi ko daw si Josh, hindi raw kami bagay at kung ano ano pang pang-lalait.

Pero hindi ko rin naman sila masisisi. Masyado kasi kaming malapait sa isa't-isa to the point na nagmumukhang kaming mag-boyfriend at girlfriend.

Bigla naman syang tumigil sa paglalakad at tinangggal din nito ang pagkakaakbay sa akin kaya takha akong napatingin sa kaniya.

Pero imbis na sumagot ay pinaharap nya ang katawan ko sa kaniya at tsaka hinawakan ang magkabilang pisngi ko at tsaka yumuko ng bahagya para magpantay ang mga mukha namin.

Gulat naman akong napatingin sa kaniya at naramdaman kong bumilis ang pintig ng aking puso.