Chapter 34

Kinakabahang lumapit ang waiter sa VIP room kung saan nandoon si Blaze at Dani. Tumingin muna siya sa babae na ngumiti sa kanya at saka tuluyang pumasok sa loob ng room.

"Good evening, Sir, Ma'am, this wine is on the house. Hope you like it." Sabi ng waiter bago nilapag ang wine glass sa mesa. "Thank you." Sabay na sabi ni Blaze at Dani. "Cheers?" Sabi ni Blaze at itinaas ang wine glass. Itinaas din ni Dani ang wine glass at ngumiti kay Blaze. Lumabas na ang waiter at dali dali pumunta sa kusina. Lumingon kaliwa't kanan at ng makita na walang makakapansin sa kanya ay nagmamadaling nagbihis at umalis na ng restaurant.

Nang makita naman ng babae na lumabas na ang waiter sa VIP room ay masaya siyang ngumiti at nag-intay.

Tumunog ang phone ni Dani ng may nareceived itong text message. "45 minutes left. 😏🤨😏🤨" sabi ng text. Umikot ang mata ni Dani. Napansin ni Blaze ang inis sa mukha ng dalaga. "May problema ba?" Tanong ni Blaze. Ngumiti si Dani. "Wala naman, may asungot lang na na-wrong sent." Sagot ni Dani.

Dumating na ang pagkain nila at nilagay na sa lamesa ng waiter isa-isa ang iba't ibang putahe na sa tingin ni Dani ay puro masarap. Nilagyan ni Blaze ng pagkain ang plato ni Dani at isang matamis naman na ngiti ang binigay ng dalaga.

"Dani..." sabi ni Blaze habang nasa kalagitnaan sila ng pagkain. Kinabahan si Dani pero kasabay ng kaba niya at nahilo siya. "Ok ka lang?" Tanong ni Blaze ng nakitang namumutla si Dani. "Nahihi..." Hindi na natapos ni Dani ang sasabihin dahil nawalan na siya ng malay.

Inip na inip na si Axel sa kotse. Gusto na niyang bumaba at sunduin na si Dani. Nakikita niya si Dalton at ang ibang bodyguards na nakatayo sa labas ng restaurant at gusto niyang sabihin dito na sa loob na sila magbantay. Nagulat siya ng matakbuhan ang mga ito sa loob. "Daniella..." kinabahang sabi ni Axel at nagmamadali siyang lumabas ng kotse.

"Dani? Dani?" Gising ni Blaze sa dalaga pero lupaypay ito sa kanyang mga bisig. Binuhat niya si Dani palabas ng VIP room. Paglingon ni Dalton sa loob ay nakita niya si Dani na walang malay at buhay ni Blaze. Nagmamadali silang pumasok sa loob. Ang mga customers naman ay nagulat din ng makitang walang malay ang dalaga.

"Sir Blaze, anong nangyari?" Tanong ni Dalton. "Bigla na lang siyang nawalan ng malay. Biglang dumating si Axel. Ang kabang naramdaman niya kanina ay biglang naging takot ng makita si Dani. Kinuha niya si Dani kay Blaze. Wala naman nagawa ang binata.

"Dalton, let's go! The rest, investigate what happened here. No one is allowed to leave!" Sigaw ni Axel saka nagmamadaling lumabas at dinala si Dani sa pinakamalapit na ospital.

Kinabahan naman ang babae ng madinig ang sinabi ni Axel pero hindi siya nagpahalata.

Ang mga naiwang bodyguards ay isa isang tinanong ang mga customers. Ang dalawa sa kanila ay pumunta sa opisina ng manager para tingnan ang cctv. Nang makita nila ang footage ay hinanap agad nila ang waiter na unang pumasok sa VIP room ngunit wala na ito. Sinabi din ng manager sa kanila ng OJT lamang ang waiter na iyon at unang gabi ito ng kanyang training.

"Warfarin poisoning, Mr. Monteclaro. Buti na lang at kakaunti lang ang nainom ni Ms. Monteverde. Gamit ito sa mga lason para sa mga daga. Kung naubos niya ang wine na binigay sa kanila, it will cause heavy bleeding and even death." Sabi ng doctor na tumingin kay Dani. Tiningnan ni Axel si Dani at hinawakan ang kamay nito saka hinalikan sa noo. "I already gave her medicine na magcounter attack sa lason. Let's hope Ms. Monteverde's body is strong enough para labanan ang side effects ng lason." Patuloy ng doctor. Tiningnan muna ng doctor ang mukha ni Dani bago ito lumabas.

Tinawagan ni Dalton ang mga magulang ni Dani pati na din ang mga magulang ni Axel. Dahil may nag leaked ng video sa social media ay nasa balita na din ang nangyari kaya bago pa dumating sila Arthur at Esther kasama sila Benjamin, Eleonor, at Sydney sa ospital ay madami ng reporters ang nakaabang sa labas. Nahirapan sila bago makapasok ng ospital pero dahil na din sa security ng lugar at sa mga bodyguards ay nalagpasan nila ang makukulit na reporters.

Pagdating nila sa private room ni Dani ay nilapitan agad siya ng kanyang ina na si Esther at tumulo ang luha nito ng makita ang maputlang mukha ng anak. Nilapitan naman siya ng asawang si Arthur at hinagod ang likod nito habang umiiyak.

Sila Benjamin at Eleonor naman ay nilapitan ang anak. Si Sydney ay niyakap ang kangyang kuya.

"Anong nangyari iho?" Tanong ni Arthur sa binata. "Sa ngayon Uncle ay iniintay lang namin ang report galing sa restaurant. Once na may malaman sila ay ako mismo ang pupunta doon para alamin kung ano talaga ang nangyari." Sagot ni Axel. "Sa palagay mo ba ay may koneksyon ito sa mga naunang nangyari?" Tanong ni Brnjamin sa anak. "Hindi ko pa masabi sa ngayon." Sagot ni Axel.

Pumasok si Dalton at iniabot ang telepono kay Axel. Pagkatapos mag-usap ay lumapit ito kay Dani at hinalikany muli ang noo ng dalaga.

"Kayo muna po ang bahala kay Dani. Babalik muna po ako sa restaurant. May nakita sa cctv footage ang mga tao ni Dalton." Sabi ni Axel. "Sasamahan ka na namin." Sabay na sabi ni Benjamin at Arthur na tinanguan ni Axel.

Naiwan sila Esther, Eleonor, at Sydney sa kwarto. Nilapitan ni Eleonor ang kaibigan. "Magiging maayos si Dani. Magiging maayos din ang lahat." Sabi ni Eleonor saka hinagod ang likod ni Esther na humihikbi pa din.

Nang malaman nila Aubrey at Cleo ang nangyari ay dali dali silang pumunta sa ospital. Ganoon din ang ginawa ni Dion pati na din si Phoebe. Ang mga caretakers ng Holy Angels ay abala sa pagpapatigil sa pag-iyak ng mga bata. Hindi sinasadya napanood ng mga bata ang balita na napahamak ang kanilang Ate Dani habang nanonood sila ng cartoons. Ang lahat ng tao na nakakakila kay Dani at nag-alala at nagdasal sa kaligtasan ng dalaga.

Nang dumating ang grupo nila Axel sa restaurant ay may mga pulis na sa loob at labas ng lugar. Dahil kilala ang dalawang pamilya ay ang Chief of Police pa ang sumalubong sa kanila. Nakipagkamay ito kila Axel. Pagkatapos ay sinamahan sila ng assistant ni Dalton sa opisina ng manager para ipakita ang cctv footage.

"Nasaan ang waiter na iyan?" Tanong ni Axel na nakakuyom ang kamao. "Sir, OJT lang po siya dito at sabi po ng manager ay unang gabi ng trabaho niya ngayon." Sabi ng assistant. "Wala silang kahit anong informations about him?" Tanong ni Axel na halatang inis na. Nilapitan siya ni Benjamin at tinapik ang balikat. "Gawin ninyong lahat para mahanap ang taong iyan." Malumanay na sabi ni Benjamin. "Yes, Sir!" Sagot ng assistant at lumabas na.

Lumabas na din ang grupo ni Axel at nagulat si Arthur ng makita si Blaze na kausap ang isang invetigator. "Blaze?" Tawag ni Arthur. Tumayo naman ito at nag-excuse sa kausap. "Tito, kamusta na po si Dani?" Tanong ng binata. "Anong ginagawa mo dito?" Balik na tanong ni Arthur. "Tito, ngayon po yung dinner na pinagpaalam ko sa inyo. Ako po ang kasama ni Dani kanina." Sagot ni Blaze. Tumango tango si Arthur.

"Kamusta na po si Dani?" Muling tanong ni Blaze. "Ok na siya iho. Pwede ka na din sigurong umuwi. Tiyak na nag-aalala na ang mga magulang mo." Sabi ni Arthur. "Tatapusin ko lang po ito, Tito." Sabi ni Blaze at binalikan na ang investigator na kausap niya kanina.

Habang busy si Axel sa pakikipag-usap kay Dalton at sa Chief of Police ay may tumawag sa pangalan niya.

"Axel!" Tawag ng babae. "Britney?" Takang tanong ni Axel. "Anong ginagawa mo dito?" Patuloy ni Axel. "Of course, having dinner with my friends." Sabi ni Britney sabay turo sa mga kaibigan. "How's Dani? I heard she's been poisoned? Poor girl." Sabi ni Britney na may kislap ang mata. "She's ok." Sagot ni Axel. "Bakit kailangan namin madamay sa gulo ng girlfriend mo. We're all innocent here." Sabi ni Britney. Hindi siya sinagot ni Axel at hinarap ang Chief of Police.

"I think pwede ninyo na silang pauwiin. May suspect naman na tayo. If ever na kailangan ninyo ng tulong nila, madali naman silang tawagan." Sabi ni Axel. "Ok, we'll do that Mr. Monteclaro. Kukuhanin lang namin ang important details nila." Sagot ng Chief of Police.

Ganoon nga ang ginawa ng mga pulis at investigators at isa isa ng nagsiuwian ang mga customers. "Axel, I didn't bring my car. Pwede mo ba kong ihatid?" Maarteng sabi ni Britney. Tinawag ni Axel si Dalton. "Please get her a cab." Sabi ni Axel at umalis na si Dalton. "Pasensya na Britney pero kailangan kong bumalik ng hospital." Sabi ni Axel at saka tinalikutan na ang dalaga.

"I really hate you Daniella! You deserved it." Galit na sabi ni Britney.