I Don't Believe That My Father Is Already Dead

"Ganito, after 8 years promise me that---" ang tanging mga kataga na kaniyang naaalala mula sa pangakong ginawa kasama ang isang batang babae. Malamig at mapayapa ang gabi nang maputol ang panaganip na iyon ng 13 anyos na si Keanne dahil sa paggising sa kaniya ng kaniyang amang si Ray Collins na kasalukuyang nagmamaneho ng kanilang sinasakyan. Ang akalang tahimik na gabing iyon ay binalot ng isang nakakagimbal na pagsabog. Isang pagsabog na naging dahilan ng pag-aakalang patay na ang kanyang ama at nag-iwan ng pighati sa kanyang puso magpa-hanggang ngayon. Makalipas ang apat na taon, ang mga ala-alang ito'y unti-unti nang lumalaho; kahit ang iniingatang pangako ay hinay-hinay na ring lumisan. Ngunit sa kabila ng mga nangyari, buo pa ring naniniwala si Keanne na buhay pa ang kaniyang ama at handa siyang sumugal mapatunayan lamang ito. Hanggang isang gabi, nakita mismo ng kaniyang dalawang mata ang patay na katawan ng kanyang ama na nakahandusay sa gitna ng sementong daan. --------------------------------------------- “If you are unsatisfied with the answers others have shown you, seek for that satisfying answer yourself.” – Keanne Collins