Stealing Man From Bro Xiao

Chapter 542: Inagaw Ang Lalaki Si Bro Xiao

Hawak ng makakalyong daliri ang kanyang baba, nagsisimula nang mamanhid ang kanyang mga labi, natatakot na si Ning Xi.

Hindi siya makikipaglandian kung alam niyang ito ang mangyayari. Walang pakielam ang malupit na demonyo sa kanyang nararamdaman!

Hindi niya inakala na magseselos ang demonyo sa isang babae, at isang matinding selos!

Tinagalan ni Lu Tingxiao ang halik at tinikman ang mga labi ng babae na parang nilalasap nito ang pulot ng mga diyos. Pero siyempre, itinigil niya rin iyon bago pa tuluyang sumabog si Ning Xi.

Mabilis ang tibok ng puso ni Ning Xi at nagngangalit ang kanyang mga ngipin nang itaas niya ang kanyang mga braso...gusto niyang alisin ang peluka sa kanyang ulo...

Nangyari na ang lahat ng ito ngayon at hindi niya pwedeng hayaan na mali ang maisip ng mga tao at akalaing bading si Lu Tingxiao. 'Di ba?