1163 Mob Slap – Ikalawang Paraan (4)

Naningkit ang mga mata ni Lin Xiao nang titigan ang dalawang Commander.

"Ang ibig niyo ba sabihing dalawa ay hindi na kayo magpapatuloy sa paglaban?"

Mabilis na pumakli ang dalawang commander: "Paano tayo lalaban? Ayan mismo ang Emperor

ng Fire Country! Tayo ay narito lamang upang suportahan at tulungan ang hukbo ng Condor

Country at hindi tayo determindaong lipulin ng tuluyan ang Qi Kingdom. Marami na tayong

nasayang na oras dito at marami na rin tayong nagawa. Kung inaasahan na magiging kalaban

naming ang Fire Country, pasensya na ngunit hindi naming magagawa iyon!"

[Kahit gaano kalakas ang Condor Country, hindi iyon kasing-halaga ng buhay nila.]

Hindi nagsalita si Lin Xiao, ngunit bakas na sa mga mata nito ang kakaibang kislap. Napansi ng

Commander in Chief ng Condor Country ang pagbabago sa bata at nais sana niyang magsalita

ngunit huli na ang lahat!

Dalawang sinag ng Purple Spirit energy ang lumabas sa kamay ni Lin Xiao at pumulupot iyon sa

leeg ng dalawang Commander!

Sa isang iglap, ang dalawang maskuladong Commanders na nadamitan ng kanilang mga baluti

at nakaupo sa ibabaw ng kanilang mga kabayo ay inangat sa ere ng dalawang sinag ng spirit

energy, ang mga lalamunan nila ay pinipiga ng isang malakas na puwersa at unti-unting

tinatanggal ang kanilang hiningaang dalawang lalaki ay nagpumiglas sa ere, ang hindik nilang

mga sulyap ay nakatuon kay Lin Xiao na ngayon ang katawan ay nagliliwanag dahil sa Purple

Spirit energy.

[Purple Spirit!]

[Ang batang iyon na mukhang mahina ay isa palang Purple Spirit sa pinakatanyag na

kapangyarihan!]

[Hindi makita at walang anyo, ang takot ay bumalot sa puso ng dalawang Commander, ang

kanilang mga mata ay nanlaki sa matinding takot.]

"Kayong dalawa ay making. Ngayon, lalaban kayo sa ayaw at gusto niyo. Kapag nalaman ko na

may nais tumakas, ipapaintindi ko sa kanila ang ibig sabihin nang mabuhay na mas Malala

kaysa ang mamatay!" saad ni Lin Xiao, ang mata niya ay naningkit, ang nakakahamak na

ekspresyon sa kaniyang mukha ay hindi maikakaila.

Mabilis na tumango ang dalawang Commander, hindi na nangahas na tumanggi pa.

Binawi ni Lin Xiao ang kaniyang Spirit Power at ang dalawang lalaki ay bumagsak sa lupa,

malalalim ang hininga at ang mga kamay ay nakahawak sa kanilang mga leeg, ang gulat ay

bakas pa rin sa kanilang mga mata habang nakatitig kay Lin Xiao.

"Bumalik na kayo sa inyong mga hukbo at kapag tumunog ang trumpeta ng Condor Country,

kayong dalawa ay maglulunsad din ng pag-atake agad!" kilabot na pananakot ni Lin Xiao.

Nagmamadaling sumakay ang dalawang Commander sa kanilang mga kabayo at nagbalik na sa

kanilang mga hukbo.

"Ngayon, patunugin mo na ang trumpeta upang magbigay hudyat sa paglusob at huwag niyo

na aksayahin ang oras ko. Dalawang basura lang ay nagawa na kayong takutin." nakangising

saad ni Lin Xiao habang nakatingin sa Commander in Chief ng Condor Country.

Sa utos ni Lin Xiao, walang pagpipilian ang Commander in Chief ng Condor Country kundi ang

sumunod at agad na pinatunog ang trumpeta. Matapos ang ilang saglit ng katahimikan, ay

muling lumusob ang hukbo sa Imperial City ng Qi Kingdom!

Nakatayo sa ere si Jun Wu Xie habang tinititigan ang hukbo ng tatlong bansa na kumikilos muli

upang lumusob at ang pagpatay sa kaniyang mga mata ay hindi na mapigilan.

"Bago dumating dito ang hukbo ng Fire Country ay hindi natin maaaring hayaan na makalagpas

sila sa tarangkahan." Saad ni Jun Wu Xie, naninigkit ang kaniyang mga mata. Kailangan niya ng

mahabang oras hanggang sa dumating ang huling pag-asa ng Qi Kingdom!

"Masusunod ang iyong kahilingan." nakangiting nilingon ni Jun Wu Yao si Jun Wu Xie.

[Hanggang gusto niya, hanggang hinahangad niya, ay kalulugudan niya ito.]

Sa simula, ilang ipo-ipo lamang ang nakaharang sa labas ng Imperial City. Ngunit nang

magsalita si Jun Wu Yao, ang bilang ng bagyo na iyon ay mas dumami ng sampung beses sa

orihinal nitong bilang!

Ang tinipon na ipo-ipo ay lubusang hinarang ang daan sa bawat sulok ng pader ng siyudad, at

naging imposible para kaninuman ang paglusob sa siyudad!

Ang ilan na nagmadali upang palibutan ang Imperial City ay biglang hinigop ng ipo-ipo at

naglaho sa paningin!

Ang dami ng nakamamatay na ipo-ipo ay mabilis na dumarami, at iyon ay nagdulot ng takot at

kilabot sa puso ng Commander in Chief ng Condor Country at maging si Lin Xiao na kani-kanina

lamang ay kampante ngayon ay nagpapakita na ng pagkawasak.