764 Flame Spirit Auction House (7)

Ang Flame Spirit Auction House ay kilala bilang ang pinakamalaking auction house sa Yan

Country. Bihira at natatanging mga kayamanan ang dinadala doon upang isubasta at iba't

ibang tao ang maingay at magulong naglalaban-laban at nagkukumpetensya sa buong

bulwagan.

Walang interes si Jun Wu Xie sa mga bagay na naroon hanggang sa matapos ang isang

nakakabagot at mahabang paghihintay, sa wakas ay nakita na niya ang kaniyang kailangan.

Isang tangkay ng Blood Lotus ang dinala sa entablado. Tila ba inilubog ang buong bulaklak sa

dugo dahil sa mapupulang talulot nito. At doon nakuha ng bulaklak na iyon ang kaniyang

pangalan, ang kulay nito ay parang sariwang pulang dugo. Ang mga Blood Lotus ay may

epektong pasaganain ang dugo at pagkalma ng mga spirit at ang halaman na iyon ay bihira

lamang makita. Natatangi ang mga Blood Lotus at nakikita lamang iyon ni Jun Wu Xie sa mga

librong medikal.

Ang Blood Lotus ay isang uri ng halaman na kailangan ni Yan Bu Gui sa elixir. Matapos niyang

maghintay ng kalahating araw, sa wakas nakakita siya ng isang bagay na napakahalaga at

nararapat lamang para sa matagal niyang paghihintay.

Dahil sa ito ay bibihira, ang presyo para sa isang Blood Lotus ay napakamahal at ang simulang

presyo nito ay nagkakahalaga ng isang daang libong taels. Bukod pa rito,ang Yan Country's

Imperial Capital ay ibang-iba sa Chan Lin Town. Ang bilang ng mayaman at matagumpay na

mangangalakal dito ay hindi maikukumpara sa dami ng nasa Chan Lin Town!

Ang pagtawad para sa Blood Lotus ay nag-umpisa na at sa isang iglap ay biglang nagkagulo. Sa

paglipas ng ilang minute lamang ang simulang presyo ng Blood Lotus na isang daang libong

taels ay umakyat sa walong daang libo at patuloy pa iyon sa pagtaas at walang senyales na

humupa iyon!

Anuman ang gawin sa Blood Lotus, pakuluan at inumin man ng diretso o gamitin para maging

isang elixir ay siguradong may magandang epekto. At dahil ang Yan Country ang

pinakamaunlad na bansa, ang mga naninirahan dito ay mayayaman at napapasighap ang iba

dahil sa pagkamangha. Nang iniharap sa kanila ang pambihira at kakaibang kayamanan, ang

mga pinakamayayaman sa karamihang ng tao ay hindi makapirmi sa kanilang kinauupuan,

ipinagkakait na makuha ng bawat isa, nagtatapon ng pera na parang mga putik lamang,

nagpapataasan ng presyo para sa Blood Lotus!

Nanatili lamang si Jun Wu Xie sa kaniyang kinauupuan. Alam niya na kung maglalatag siya ng

kaniyang presyo ay madali lamang iyon madadaig. Nagdesisyon siya na maghintay hanggang sa

ang pagtawad ay tumigil bago siya magbigay ng presyo.

Subalit, habang tumatagal ay ay mas lalaong tumataas ang presyo ng Blood Lotus, tumaas ang

kilay ni Jun Wu Xie.

Ang pera na mayroon siya ngayon ay naipon niya sa Chan Lin Auction. Kahit na hindi iyon maliit

na halaga lamang, ay hindi rin naman ito ganoon kalaki upang makipagsabayan sa naturang

tawaran. Nang umabot na ng tatlong milyon taels ang Blood Lotus ay sumuko na si Jun Wu Xie

na magbigay ng presyo.

Tatlong milyong taels, sobra na iyon sa inaasahan niya. Ang lahat ng pera na hawak niya ay

nagkakahalaga lamang ng tatlong milyong taels at ang presyo ay patuloy pa rin sa pagtaas

ngunit ang pagtaas ng presyo ay unti-unting humuhupa. Subalit kahit na tumaas lamang ito ng

isang milyong taels, ay sobra pa rin iyon sa hawak na pera ni Jun Wu Xie.

Sa Chan Lin Auction House noon, ang mga bagay na pinapasubasta ay humigit kumluang sa

isang milyong taels lamang. Hindi pa siya nagkakaroon ng napakalaking halaga ng pera at ang

tanging pagkakataon na nagkaroon siya ng may kalakihang halaga ng pera ay noong nasa Chan

Lin Town siya at ang presyo sa Flame Spirit Auction House ay mas mataas kumpara sa Chan Lin

Auction House.

Natigilan siya sa Flame Spirit Auction House, walang magawa si Jun Wu Xie ang pag-angkin sa

Blood Lotus ay tumitindi at wala siyang magawa.

Ang Blood Lotus ay labis na mahalaga kay Yan Bu Gui. Kung si Jun Wu Xie lamang ang

nangangailangan nito ay hindi siya makakaramdam ng lungkot, ngunit kung hindi niya

makukuha ang Blood Lotus ngayon ay hindi niya alam kung gaano katagal pa ulit siyang

maghihintay upang makakita ulit ng isa.

Mag-iisang taon na simula ng siya ay muling nabuhay kung isasaalang-alang lahat ng nangyari,

hindi pa siya nakakakita ng kahit anong senyales ng Blood Lotus kahit saan. At ang makita na

ang presyo ng Blood Lotus na iyon ay patuloy sa pagtaas, pinapatunayan lamang nito kung

gaano ito kabihira at kahalaga.

Kinagat ni Jun Wu Xie ang kaniyang labi, mababakas sa mata niya ang bihirang makita na

pagkabigo.