1 Sacha pyaar

Ye sache pyar ki kahani hai Priya aur Sooraj ki. Dono ek dusre ke saath school me padte the. College me bhi dono saath the aur college me hi dono ko ek dusre se pyar ho gaya. Dono ka pyar ek dusre ke liye itna gehra tha ki college me sab jaante the ki inki marriage ho jaayegi.

College ki canteen me jab bhi Priya Ice Cream khati thi to Sooraj use aksar kehta tha " Priya…Ice Cream mat khao, sardi lag jayegi" Sooraj Priya ki bahut care karta tha aur kabhi ice cream nahi khane deta tha.

College khatam hone ke baad Sooraj ki ek acchi company me job lag gayi aura ab Sooraj jaldi se Priya ke saath shadi karna chahta tha. Ek din dono saath me baithe the aur dono ne apne ghar marriage ki baat karne ka faisla kiya.

Dono ghar gaye aur dono ne apne-apne maa baap ko apne pyar ke bare me bataya. Dono ke rishtey me sabse badi rukavat thi unki caste. Sooraj pandit caste se tha aur Priya Rajpoot caste se thi. Jab Priya ne apne gharwalo ko Sooraj ke bare me bataya to wo bahut naraz huye lekin aakhirkaar maan gaye. Kyunki, unhone socha ki ladka padha likha hai aur acchi naukri bhi karta hai isliye unhe zyada problem nahi thi.

Jab Sooraj ne apni family se Priya ke bare me baat ki to unke oopar to jaise dukh ka pahad hi toot gaya ho. Sooraj ke pita ne is rishtey ke liye saaf mana kar diya. Lekin Sooraj Priya se saccha pyar karta tha aur har haal me usi se shadi karna chahta tha, isliye wo bhi zidd par ada raha aur usne ghar chodne ki dhamki de di. Itna sunte hi Sooraj ke pita ko heart attack aa gaya. Sooraj aur uski maa Sooraj ke pita ko hospital le kar gaye. Waha Sooraj ki maa ne bataya ki "Tumhare pita ne tumhare liye ladki dhoond li thi aur wo tumse baat karne wale the. Unhone ladki ke parivar se bhi baat kar li thi. Ab tum please Nisha se shadi ke liye maan jao"

Nisha wo ladki thi jisse Sooraj ke pita uski shadi karvana chahte the. Aakhir pita ke dard kea age Sooraj haar gaya aur usne Nisha se shadi kar li.

Shadi se pehle Sooraj aur Priya ne ek dusre se phone par baat bhi ki thi, bahut roye the dono aur call end karne se pehle Sooraj ne Priya ko kaha "Kabhi Ice Cream mat khana, kyunki tumhe sardi bahut jaldi ho jati hai."

Uske baad Sooraj ne Priya ko kabhi call nahi kiya aur na hi Priya ne.

After 5 Years (5 Saal Baad)

Paanch saal baad Sooraj ke college ka reunion tha aur Sooraj ko bhi invitation tha. Isliye, Sooraj apni wife Nisha ke saath college reunion me jaata hai aur waha Priya ko dekhkar surprised ho jaata hai. Old memories uske dimag me ghoomne lagti hai. Priya apne husband ke saath aayi thi. Almost sabhi ki shadi ho chuki thi aur sab khush lag rahe the.

Reunion party ke end me Sooraj aur Nisha lunch kar rahe the. Unke saath me 2 seats bhi khali thi aur Priya ke husband ne Priya se waha baithne ko kaha. Abe k baar fir Sooraj aur Priya aamne saamne the lekin waha par sirf khamoshi thi.

Abhi Sooraj lunch kar hi raha tha ki Priya ice cream lekar aa jati hai aur khane lagti hai lekin tabhi Sooraj ke zuban se nikal jaata hai "Priya….ice cream mat khana varna sardi lag jaayegi.."

Priya aur Sooraj ek dusre ki taraf dekhte hai aur.... Silence....

Sirf khamoshi...…

Priya ke husband aur Sooraj ki wife sab kuch samajh jaate hai lekin kuch nahi bolte.

Friends, kya aapko lagta hai ki ye kahani yaha par end ho sakti hai? Nahi….Bilkul Nahi.....

...

Is sache pyar ki kahani padh kar aap kya feel kar rahe ho hame comment me zarur bataye.   

avataravatar