11 Chunding Enggau Aki Srlumba

-Jerita Jenaka Iban-

(Chunding Enggau Aki Selumba Siri 2-)

Tusun ke 11

Engkukuk manuk pagi nanda ka ari kerebak tawas. Palik jam kau dinding udah jam 6:30 pagi. Kempi angkat lalu nangal ai dah nya nyumai asi enggau engkayu ke ka dibai ke bekal nurun ke kebun. Ingat ka semaya sida tiga iya ti deka nurun ke kebun lada demalam.

Chunding enggau Selumba bela seretai dani angkat ari peninduk. Empungas mua betuchi ngeli lalu ngirup kupi. Tembu ngirup kupi seduai iya bela angkat lalu beradu ka perengka ka dibai ke kebun.

Selumba agi beawi ka kain tula ba rekung, agi bedandung kain tula ba punggung. Bedau begari laban ka agi kiruh beradu ka motor ai ke ka dibantai ke pendaie alai perau. Chunding udah begari lalu nulung Kempi berangkut ka barang nuju perau ti ka dikena legi.

"Akaii...! Naka pemedis punggung tu dih indai. Bakani mih ka ngesan muto tu legi. Iya ga anci pemerat..."mata iya leligau ka luar ngiga Chunding ngica ka bisi mansa.

Ngam amat, baka ka disampi Chunding mansa. Selumba lalu nganggau ka Chunding.

"Unding....Undingg...ooo...Unding....!!"Selumba ngepai Chunding.

Chunding mansang ninga diri dikangau aki iya.

"Ta rerauh....nama utai ku akuuu...? Ku Chunding mut mut kediri.

Datai Chunding ba alai Selumba ka nganggau Chunding lalu betanya.

"Iya lapa ta rerauh aaa...?" Ku Chunding.

"Bangat enda tau dikangau nama nuan nya pia ilal...?"ku Selumba nyaut Chunding.

"Nadai kedambi rerauh dih..."saut Chunding baru.

"Tu aaaa...muto ai tu san ke ai kin kih. Aku tu pedis punggung pedis bai ngatung utai berat. Minta tulung nuan ga...."ku Selumba.

"Nih, nya utai ku aku. Bebini bagas endar, enda nemu diri ka udah tuai. Cheremin mata Ali Baba ka dikena nguntik indu. Injin sepit enda ulih katung...bakani ka nyetat injin wit malam ari...ku aku....tusahhh...!"ku Chunding.

"Aaaiihh anang mayuh jaku nih ilal...!"ku Selumba.

"Aku tu ari tadi nadai jenuh berangkut ka barang. Lelak aku tu nemu..?"ku Chunding. Ka isin isin ga ati iya laban nyau lelak berangkut ka barang.

"Au...au...legi sai nuan...legi asai...."ku Chunding. Berunding ka ngereja ke aki iya Selumba.

Selumba lalu nurun ari tangga langkau alai nyimpan muto. Nurun kaki bukit nuju pegung ikan ka mulai kediri begari ke rumah ku anak ati.

Ransi mih tudah Chunding tu tadi. San iya muto. Peda iya aki iya Selumba benung bejalai nuju pegung. Tanah nya bisi bebukit mimit. Enda memukai tumpu iya tong deram ka kusung nadai ai. Nama agi dih, bebelah mih deram tadi nuju Selumba.

Ninga utai nyau kerengkung dia Selumba lalu malik ka belakang.

"Apaaaaii..! Raya utai tetungging dia. Nama utai digiga nuan dia aki?"pia ku Chunding. Chunding nurun ari atas, ka meda nama pengawa aki iya Selumba ba dalam pegung dia.

Datai Chunding semak aki iya Selumba, peda Chunding aki iya Selumba nu tungsang. kaki cecepai, jari cecamai.

"Apaaaii..iga nuan aki nu tetungging ngiga gerama. Gerama nama giga nuan aki?Gerama melai giga nuan.?" pia ku Chunding ngelagu aki iya Selumba.

Selumba ka pansut pala tama tanah.Nyau kebebul tudah Selumba ka benung narit pala iya empu ka benung tachup ba tanah pegung.

"Hah..hahh..hahh.hahh.. eeahh..!"Merinsa udu ga nuan aki enda tetarit ka pala diri, ni danjung bebini baru.Baru ga dibelat tong deram enda telari ka diri. Anang agi enti luhi ngagai nuan dh aki, kada nuan dapat betumba bakatu..!"

"Hahahaha..!" Chunding lelakah ketawa ka aki iya Selumba. Gamal Selumba baru pansut ari tanah nyay memusu baka ikan bekut mabuk ambuh.Lama alai Selumba ka narit seput. Mulut enyau kekebul laban te nadai ngeli tusah endur ka bejaku.

..Betampung.ke 12.

Dikarang : Kumang Kemayang(Kk)& Bunsu Enturun Negung(DomJ.j)