5 chunding Enggau Aki Selumba

-Jerita Jenaka-

*Chunding Enggau Aki Selumba*

-Tusun Ti Ke 5-

Kuk.....kuk....kukukkkkkk....!!

Dinga munyi kukuk manuk. Selumba angkat begusuk mata. Ingat ka diri ke dasuh Chunding nukar iya gawa saritu legi.

Angkat iya nyenguk ke pangking Chunding, lalu digerak iya. Di cukil bedau ga angkat. Di tegu bedau ga.

"Apuuuu.....legi asai nuan encabuh....! Ta enggai dedani. Legi nuan....legi asai. Mandi ai ujan..." Selumba lalu pansut ari pangking Chunding nuju ke tanju.

Datai di tanju, japai iya beledi gadung, isi ke iya ai setengah. Begadai iya maie ai nya, enggai ke naya. Di baie nuju pangking Chunding.

Datai di pangking Chunding, ditangung iya begadai lalu....

"Ujan....ujan...ujan...!! Buat gari....ujann..!!"

Ngenduas Chunding angkat ditanjah aki Selumba iya enggau ai dalam beledi.

Enda ulih di tat agi...

"Hahahahahahaha....hahahahaha...hahahaaaaa...!" lelekai Selumba ketawa ke mua Chunding ke jempuk ditanjah iya enggau ai.

"Nih, jera asai nuan encabuh. Basah anak buhung empulu," pia ko Selumba ngelesey ka ucu iya.

"Eeihhh, nuan tu tadi pia encangur...? Legi asai nuan...legi...legi....utangggg ko P.Ramlee," sedar ka diri tanjah

aki iya ai. Jempuk mih peninduk Chunding dih.

"Nama....nyadi nuan minta tukar aku gawa saritu legi encabuh?"tanya Selumba baru.

"Endai.....gagit amai. Alai mih enti bangat ka. Merinsa utai dadak,"pia ko Chunding nyaut aki iya.

"Nih, iya ka ngasuh, kitai ga kumbai dadak." ko Selumba.

"Ba alai mih....ko aku.....mandi, ngena tancut baju lawa. Aku enggai enda madah ke nuan aki, meseti ka ngena ceremin mata celum...enti enda ngena danu tukey," ko Chunding lelinsum.

"Ney, nya asai nuan. Sepi nuan udah nanjah aku ngena ai. Malas aku." ko Chunding bejaku dalam ati.

"Oh, bakani enti aku tu nadai ceremin mata celum dih encabuh...? Ceremin mata nuan agi mit menya, perais huti ali baba bisi mih nya dia. Enda patut ga aku ngena nya dih tambab,"pia ko Selumba.

Ka ketawa, ngai ke ditemu aki iyq ga ulah ka ngereja ke aki iya. Ta tat ke aja mih. Bakani nda mih

gaya enti aki iya Selumba bekena ka ceremin mata nembiak mit. Ceremin mata perais huti ali baba. Tak naka mih penadak enti maya nya ngena nya, ko pikir Chunding.

Begisai ngaru pala enda gatal Selumba laban Chunding.

Meda aki iya bendar begisai, dia Chunding lalu nampung jaku iya ngica ke aki iya majak pecaya.

"Aku enggai enda madah dulu aki, tukey aku nya indu, bajik....bajik udu, pepaga, tinggi, numbas pemesai, endang ungkup nuan. Dipelaba ke aku, ka iya belaki aki. Sebaka ga seduai pelaba aku. Sama bela lama enda ngambuh. Kada enda sama tumpul mata lunga,"ko Chunding ngetat kediri ka ketawa.

"Yaseyy.....! Ko Selumba lalu entepa. Angkat lalu nyapai kain tula. Mandi.

"Apei, dih apai. Keladi tuai udah ngasak. Jaga....jaga dih apai. Aku te malu," ko Chunding pepesap meda aki iya Selumba nyau entepa ninga Chunding munyi nya tadi.

Tembu mandi, besikap indah mih tudah Selumba dih. Gap amat, begaya, cukup semat. Buk disugu pisin belah dua.

Lawa penuduk Selumba nganti Chunding ke nganjung iya ke pasar. Kaki dilipat, kekebak nitih ke kensung lagu ke dimain ke mulut iya. Anchi lagu Selumba. Lagu Ricky El.

🎶🎶"Uhang indu bangat lawa, enggai ke laki nadai keheja, enti aku tu nyadi cigu, baru indai sida setuju"🎶🎶

"Akai, dih apai...!! Amai lawa lagu aku pagitu. Iya ga gap udu. Sekali ngehimbas baka umur lapan belas. Beceremin mata bihu ali baba. Dini ka ngiga agi maya tu, tak nangka iya penyigat," ko Selumba ngelangkung diri. Sigat, gap lawa ko iya mih nya.

(Cuba bayangkan ceremin mata kena Selumba)

Enda lama udah nya, Chunding pan pansut lalu ngunci pintu. Perening iya aki Selumba, ari atas datai ke baruh. Ka ketawa enggai ke aki iya ringat. Ta tat aja mih ketawa dalam ati.

"Aaa...aaaa....k...a....ii rai.....!! Semat udu nuan aki. Tu bahu iya. Asai ke meda penanyi Hiki El meda nuan aki. Kumpum tukey tekait ati meda nuan legi aki. Arap mih ati iya enda telempai ba pucuk tugey legi," ko Chunding ngelakin aki iya gi.

Nadai utai dianti agi, nurun mih seduai iya meucu. Rerigang pejalai urang bujang au. Ngetat ke ceremin mata bihu bebingkai lup (love).

Semua urang ke mansa nadai enda tucum ketawa, geli ati meda ulah seduai nya meucu. Ka enda nyamai asai tudah Selumba meda urang tetucum ketawa malik iya. Selumba lalu nelai pending Chunding.

"Cabuh, uji perati ka nuan urang nyin. Ka amat tucum ketawa malik tua. Enda seredah kini pendiau aku tu..." pia ko Selumba nelai Chunding.

"Eh, anang kiruh ka urang enti asai ka sigat, ka bebini bahu. Kebat ke amat taji nuan aki...ukai nama sida ketawa, laban ngining ceremin mata nuan nya aki. Ga sida ga nadai ceremin mata kenya. Ngining sida. Tan ke manah ceremin mata nuan nya, enggai ke labuh. Berebut urang ngambi legi. Behega cehemin mata nya aki. Enti suba rm lima puluh sen aja rega ali baba sebungkus. Diatu rm dua hinggit setengah tujuh nya aki...."ko Chunding majak ngelakin aki iya Selumba. Ditubai iya amat mih aki iya sepagi nya.

Datai seduai meaki ba kedai alai Chunding gawa, dia Chunding pan lalu ngelawa tukey iya ke benama Kempi. Pepisap mata Kempi meda Chunding maie siku urang tuai. Tuai umur, tang agi begaya amat, semat. Tau di kencadi.

Laban Kempi ke sigi nemu mimit jaku iban, iya lalu nawis Chunding.

"Oh, enda entu berapa Kempi tu. Ta betawis-tawis. Ngakun amai mih seduai tu legi. Nyadi amat betawis,"ko Chunding bejaku dalam ati.

"Unding, itu olang sama lu itu sapa?" tanya Kempi.

"Nya...aaaa, aku udah madah kemahi tukey, aku bisi aki sigat benama Selumba. Enda pecaya nuan. Nya, bedau nya. Sigat peda nuan tukey," tanya Chunding.

"Ukai sigat, tang semat. Ini macam oo....👍👍 cukup cun,"ko tukey benama Kempi nuat ke tunjuk jari indu.

"Aa...pai...., gap kenya pia...?ko Chunding.

"Gap, semat. Ka memini aki nuan nya Chunding. Enti iya enggai nulung aku nuan, aku ka ke iya. Atau....nuan jual iya ngagai aku, behapa hatus nuan ka nyual?" ko Kempi nanya Chunding.

Melut leka mata Chunding.

"Apuuuuuuuuuuuuuuuu...!! Suntuk laki nuan pia kempi...? Pendiau aki aku bakanya ka dibeli ga...? Empai aku kala dih apai. Enda dijual aku aki aku nya tukey. Nadai stok agi ba pasar. Munyi ko jaku urang kemaya ahi 'Limited edition.' Tang enti nuan amai ka, nadai ga salah. Aku mehi nuan pehi aja. Enda dijual. Pama mih enti seduai jadi, ulih ga aku nyadi tukey besai nyaga kedai,"pia ko Chunding. Ka ketawa nangi ka di tumpu Kempi ga. Ta tat ke aja mih. Kembai asai kuyu Chunding ngetat diri ka ketawa.

"Amat pahai dayah ke antu cina Kempi tu. Kumbai iya baka ke bejual pusu nyual aki aku ko iya? Aki aku pan ka dibeli iya. Amat ku buhu pulai aki nya legi. Nadai geguna aku maie kitu tadi. Nyau ngasuh Kempi gila ga encangur nya tadi ko ku. Enti baka pusu nyin nyamai mih, timbang kilo aja. Nyin sigat agi ahi aki aku, apek pusu. Lapa ngai meli apek pusu ko ku...?" ko Chunding mut-mut.

Tudah Selumba ke ba depan kedai, nadai mih nemu diri dih. Enda nemu diri ka di beli, di jual, diberi pehi munyi ko Chunding. Majak belipat kaki ngetan ke ceremin mata enggai ka labuh.

Datai ba depan mua Selumba Chunding lalu nelai aki iya.

"Nyin, cina Kempi ka meli nuan aki. Kati ka nuan dibeli iya ke laki....? Baru sekali pandang ko melayu terus jatuh sinta(cinta). Tang nadai hega amat aki, behatus hinggit aja iya ka meli laban udah tuai. Mina iya rindu meda nuan semat ko iya,"pia ko Chunding nelai aki iya Selumba.

"Apuuuuuuu....uuuuuuuuuu...indai...!! Empai kala aku. Aku kitu la gawa ukai nyual dihi Unding-Unding. Dadak, bangka, gila, kanjiiiii......!!tukey nuan nya. Kumbai iya buah dabai aku tu....peneka meli. Tang, bajik ga tukey nuan nya Unding. Bisi ngasuh ati geledi. Uji nuan madah ka iya, nibuh dibeli ditimbang kilo. Behi pehi aja. Ka aku baie jadi, kumbai nuan Unding, agi tau amat aki kita tu. Pama mih, bisi ngahu belakang,"pia ko Selumba tetucum.

"Apai.......pahai dayah ke antu..! Keladi tuai udah neresak. Jaga...jaga. Agi miang amai nuan nih aki....? Agi dapat nuan nanjak wong nya aki...?Aku enggai nyelamat ka nuan ti nuan jadi enggau Kempi, pangka ka iya bisi nuan aki ti nda me...hi....iya. Aku tu enggai beinik ke Kempi nya. Tang enti seduai sama ka nadai ga salah, aku nyadi tukey besai ga. Ahi-ahi makai huti sebayan,"pia ko Chunding.

Ney, ko jaku Chunding ka ngelanyah ke aki iya. Tang lain ga cehita. Agi behega ga Selumba. Anang gesak maca tu au wai, kena kitai beperindang. Mina Jehita Jenaka aja.. Kengka ke anak penemu ke mansa mih ke dikunsi ke aku enggau kita ngambi sama bepehindang. Enda ga bangat sunyi. Enda pia iya..??

*********************************

**Bah angka tu dulu kitai au. Arap ke teperindang mih ati begulai enggau aku enggau sida Chunding. Anti tusun ke ka datai. Bakani enda ari terubah Selumba gawa enggau Kempi. Nama nda penyadi Selumba enggau Kempi. Tusun ti ka datai kitai sama nemu au..**

******Betampung ba ke 6*******

Dikarang : Endu Dara Rimbu(Kumang Mali Lebu) Enggau Dom JJ ( John Jovi)