973 Extra

[Ang bawat libro ay kayamanan]

Pagtungtong ni Little Rice Cake ng tatlong taong gulang, bumili si Qiao Anhao

ng maraming play cards para turuan ito ng mga bagong salita.

Pero mas gusto nito ang mga laruan kaysa sa mga card.

Sa takot niya na baka lumaki itong mangmang, sinubukan niyang baguhin ang

pagtuturo niya, pero kahit anong gawin technique, ayaw talaga nitong pansinin

ang mga card.

Kaya isang araw, kinausap niya ito, "Lu Qiaochen, alam mo ba na ang bawat

libro ay isang kayamanan?"

Dala ng kamusmusan, hindi maintindihan ni Little Rice Cake kung anong

gustong iparating ng ng mama niya, pero alam niya ang ibig sabihin ng

salitang 'kayamanan' kaya interesado siyang nagtanong, "Mommy, saan po

ako makakakuha ng kayamanan?"

"Kapag nagbasa ka ng libro hanggang sa masira siya at magkapunit-punit."

Masayang tumungo si Little Rice Cake, na para bang naiintindihan niya ang

sinabi ni Qiao Anhao.

Pagkatapos patulugin si Little Rice Cake ng tanghali, hindi namalayan ni Qiao

Anhao na nakatulog rin siya, at pagkagising niya, wala na ito sa tabi niya kaya

dali-dali niya itong hinanap sa buong second floor hanggang sa makita niya ito

sa study room.

Nakita niya itong nakasalampak ito sa sahig habang pinupunit ang mga libro ni

Lu Jinnian. "Mommy, nagsisinungaling ka pala eh. Ang dami ko na pong

pinunit na libro pero bakit wala pa rin po akong nakikitang kayamanan?"

-

[Ang pangarap]

Habang nakahiga sa kama, kinuha ni Qiao Anhao ang kanyang phone para

mag'browse ng Taobao. Hindi nagtagal, may nakita siyang advertisement na

may kasamamang kasabihan galing kay Ma Yun, "Lahat ng tao ay kailangang

mangarap dahil malay natin baka matupad naman pala."

Kaya dali-dali siyang bumangon para ipakita ito kay Lu Jinnian na

kasalukuyang nagtatrabaho sa sofa. "Totoo 'tong kasabihan na 'to. 'Lahat ng

tao ay kailangang mangarap dahil malay natin baka matupad naman pala'.

Kasi ganitong-ganito ang nangyari sa akin."

"Anong pangarap mo?" Sagot ni Lu Jinnian habang tutok na tutok sa screen

ng kanyang laptop.

"Ikaw!" Walang pagdadalawang isip na sagot ni Qiao Anhao.

Ngumiti lang si Lu Jinnian habang nagpapatuloy sa pagtatrabaho.

Dahan-dahan, inilapag ni Qiao Anhao ang kanyang phone sa katabi niyang

lamesa para titigan si Lu Jinnian. "Lu Jinnian, alam mo ba? Pangarap ka ng

maraming babae."

"Alam ko," walang emosyong sagot ni Lu Jinnian.

Dahil dito, napanguso nalang si Qiao Anhao. 'Nagyayabang ba si Lu Jinnian?'

Pero bago niya pa tuluyang dibdibin ang naging sagot nito, muli itong

nagpatuloy, "Pero ano naman ngayon? Wala akong pakielam dahil pangarap

lang ni Qiao Anhao ang gusto kong tuparin."

-END-