A Four-Year Installment

Sabi nila kapag bata ka pa raw hindi ka pa pwedeng umibig, hindi pa raw totoo ang nararamdaman ng iyong dibdib, iyong paglukso raw ng iyong puso, at pagsisikip ng iyong dibdib ay dala lang daw siguro ng musmos mong puso na maagang namulat sa konsepto ng pag-ibig. Kaya naman nang maramdaman ko ito sa murang edad ay agad ko itong sinikil, ayoko kasing magkaroon ng kasalanan sa aking pamilya, ayokong isipin nila na imbes mag-aral ay kung anu-ano ang aking inaatupag. Ngunit sa hindi maintindihang dahilan tuwing lilipas ang apat na taon mula sa huli naming pagkikita, kami'y muling pinagtatagpo. Kasalanan pa rin ba itong maituturing kung hindi ko naman ito sinasadya? Kailan nga ba magiging tama ang panahon para sa amin? Kailan ko maaangkin ang pag-ibig na paulit-ulit ibinabalik sa akin? BASED ON TRUE EVENTS