No Option
King Castle ka map ek classified information thi, to use find karna bohot mushkil tha. Lekin Detective Samuel ka student hone ke kaaran mere liye ye baaein haath ka khel tha; aisa mujhe lag raha tha.
M King's Road ke gate ke paas mojud ek bar me gaya. Ye bar Elara Kingdom ki sabse famous bar thi. Kyonki King's Road ke gate ke paas hone ke karan, raja bhi kabhi kabhi is baar me aa jaata tha. Jaise hi m andar ghusa, red maid dress me ek ladki boli
"Welcome to Haibili Bar, Piyoge ek maango ke chaar"
M bola
"Game"
Mere game bolte hi usne mujhe apna haath dikhaya or boli
"Konsi?"
Maine uski ring finger ko touch kiya or bola
"Ye waali"
Us ladki ne mera haath pakda or mujhe bar ke kitchen me le gayi. Kitchen do Refrigerator rakhe the. Ek nile colour ka or dusra pile colour ka. Usne mujhe pile waale refrigerator ke saamne khada kar diya or boli
"Jaao"
"Mujhe nile Refrigerator me se drink nahi dogi?"
"Kyon?"
"Tumne Detective Samuel ko to di thi"
"Oh Sam! Wo to hamare special guest hai. Tum nahi"
"M unka student hu"
"To?"
"M ek princ-- Kuch nahi"
Maine pile Refrigerator ka darwaja khola or andar chala gaya kyonki wo koi saaman rakhne ka aam Refrigerator nahi tha. Us Refrigerator ke darwaje ke piche tha ek secret room. Jisme sirf wahi log ja sakte the jo welcome karne waali ladki ki game me ring finger select kare.
Room ke andar ghor andhera tha. M room ke andar gaya hi tha ki *clang* kisi ne chaaku fek ke maara, jo ki mere baalon ko chu kar piche diwaar me gad gaya. Ek budha aadmi bola
"Kon ho tum?"
"M hu Detective Samuel ka student, Orion"
"Kya chahiye tumhe?"
"King Castle ka map"
"Huh? Tumhe bhi?"
"Kya matlab?"
"Tum aaj ke tisre customer ho jise King Castle ka map chahiye"
"Tisra?!?"
Maine man me socha 'Or do kon ho sakte hai jinhe King Castle ka map chahiye?'. Wo bola
"Haa tisra. Tumse pehle ek ladki or ek budha aadmi map leke jaa chuke hai"
Maine socha 'Budha aadmi to pakka Detective Samuel honge, lekin ladki kon ho sakti hai?'. M bola
"Umm.....mujhe map to mil jaaega na?"
"Nahi"
"Magar kyon?"
"King Castle ka map ek claasified information hai, or classified information bohot rare hoti hai isliye uski jyada copies bhi nahi hoti. Mere pass bas 2 hi copies thi jo ki maine un dono ko de di. Ab mere pass kuch nahi hai"
M soch me pad gaya ki kya karu or kaise karu. Tabhi mere chaalak dimaag me ek idea aaya or M bola
"Aapko wo map ki copies kisne di thi?"
"Kisi ne bhi di ho, tumhe kya matlab?"
"M us se map ki copies lunga"
"Kaise?"
"Jisne aapko map ki copies di thi, kya pata uske pass or bhi copies ho. Or agar copies nahi mili to map ka draft to jarur milega"
"Hmm....nahi"
"Nahi?"
"M apne secret sellers ki information nahi batata"
M chahta to budhe se lad sakta tha, lekin m samjh gaya tha ki budha bohot dhit tha. Aise apna muh nahi kholta. Fir maine apna dimaag lagaya or bola
"Aap apne secret sellers ki information kisi ko bhi nahi batate?"
"Naa. Kisi ko bhi nahi"
"Aap ek black information seller ho na?"
"Haa. Kyon?"
"Kuch nahi bas aise hi puch liya"
Ye bolkar m bahar jaane laga, lekin piche se us budhe ne ek or chaku fek ke maara or bola
"Kahan jaa rahe ho?"
"Aapke pass map to mile nahi to ab m waapis jaa raha hu"
"Bina mere sawaal ka jawab diye tum kahin nahi jaa rahe. Tum yahan apni marzi se aaya the, lekin jaaoge meri marzi se"
"Kaisa sawaal?"
"Tumne mujse black information seller ke baare me kyon pucha?"
"Kuch nahi bas aise hi puch liya tha"
Us budhe ne ek chaku fek ke maara jo ki mere kaan pass se gaya or bola
"Tumne mujhe ullu samjha hai kya? Puri jindagi maine alag alag tareh ke logon ko hi dekha hai or mera experience ye keh raha ki tum baat chipane waale logon me se ek ho."
Maine taali bajai or bola
"Ek dum sahi. Aapne mujhe pakad liya. Haa m aapse ek baat chipa raha hu"
"Konsi baat? Jaldi batao"
Maine gate ko band karke andar se lock kar diya or bola
"Or agar m na bataun to?"
"Ya to tum baat bataoge ya fir maare jaaoge. Choice tumhare haath me hai"
"Atleast mere pass choice to hai. Tumhare pass to wo bhi nahi hai"
"Kya matlab?"
"Matlab ye ki bar ke chaaro taraf Estora Kingdom ke sainik khadein hai. Mere ek order par wo andar aa jaaenge or tumhe to ye pata hi hai ki black me information ko bechna kitna bada gunha hai"
Us budhe ne apna chaaku upar kiya or bola
"HaHa, lekin m tumhe yahin maar du to? Na rahega baans, Na bajegi bansuri"
M use rokte hue ek dum se bola
"Tumhari wife ek tailor hai na?"
"Huh?!?"
"Or shayad tumhari ek beti bhi hai"
"Oye kya kiya tune un dono ko? Khabar daar agar un dono ko kuch bhi kiya to"
"Shaant, shaant. Wo dono bilkul thik hai, abhi tak to. Lekin agar tumne mujhe maara to meri chinkh sunkar mere sainik tumhe to maarein ge hi, saath me tumhari wife or beti ko bhi mukti dila denge"
"Tumhare sainik? Kon ho tum?"
"M hun Estora Kingdom ke raja ka beta, Prince Orion Wuther"
Wo budha ghabra gaya or bola
"P-P-Prince?! M-Meri wife or beti k-ko bich me m-mat laao. Un d-dono ka is sab se koi lena dena n-nahi hai"
"Are are, tum ghabra kyon rahe ho? Ghabrao mat, un dono ko kuch nahi hoga, agar tum meri baat maan lo to"
"Janmet Kolon"
"Ye hui na baat. Ab ye or bata do kahan milega ye Janmet Kolon"
"King's Road ke gate par ek bade red baalon waala guard khada hai. Wo guard hi Janmet Kolon hai"
Ek dum se mere man me ladoo futa 'Yes! Ek teer se do nishane'. M bola
"Aapka bhot bhot dhanyawad"
"Han, Han, ab chale jaao yahan se or dobara kabhi mat aana"
"Jaate jaate ek baat or kehna chahta hu. Maine tumhe ullu samjh nahi rakha, tum ullu hi ho"
"Huh? Kya matlab?"
"Bye~"
Maine gate khola or bahaar nikla lekin mere nikalte hi wo red maid dress waali ladki andar aa gayi. Us budhe ne us se pucha
"Bahaar Estora Kingdom ke sainik khade hai or tumne mujhe bataya bhi nahi?"
"Estora Kingdom ke sainik? Nahi to, bahaar to koi bhi nahi hai"
"Koi bhi nahi hai? Lekin wo ladka to abhi- Ahhhhhhhhh Shit! Usne mujhe ullu bana diya"
Wo budha bhaagta hua mujhe pakadne ke liye bhaar aaya lekin jab tak wo aaya tab tak to m bohot dur jaa chuka tha. Wo chilaya
"M tumhe chorunga nahi"
M bhaagte bhaagte uski taraf muh karke chilaya
"Chorne ke liye pehle pakadna bhi padta hai. Hahaha"
Map ki information mujhse kahan mile gi wo mujhe pata lag chuka tha, isiliye m bhaag raha tha King's Road ki taraf. Kuch der me hi m King's Road ke gate par pohonch gaya, jahan 10 guard kahde the, jinme se sabse pehle meri najar gayi, bade red baalon waale Janmet Kolon pe.