Disneyland Versus Disneyworld

The next day, maagang gumising si Tanaga upang ayusin ang lahat. Nag decide si Tanaga na surpresahin si Ashley sa oras ng ihatid nila si Arthur sa airport. 

Maaga silang nag meeting ni Sato upang hindi malaman ng asawa niya na kasama siyang uuwi ni Arthur sa Pilipinas at doon sila mag spend ng New Year. Gustong gusto ni Tanaga kung gaano kasaya ang buong pamilya ni Ashley. At gusto niyang matikman din ang paano sila mag celebrate ng bagong taon.

"Aalis kami mamaya papunta sa opisina para makausap ko si Hoshi. Habang wala kami, paimpake mo ng lahat ang gamit namin at sunduin nyo na lang kami sa oras ng flight ni Arthur. Doon tayo mag celebrate sa Pilipinas ng bagong taon, May problema ka ba sa arrangement? Pwede ka ng bumalik sa Japan kung gusto mo. Tutal naman ay nandito na si ma'am mo." Aniya ni Tanaga kay Sato na seryosong seryosong nakikinig.