Pagkatapos (9)

Sa buong araw na puro activity at paglalaro, alam ng principal na pagod at gutom na

ang dalawang bata, kaya bilang panagalawang magulang nagluto ito ng

masustansyang merienda para sa dalawa.

At bilang best friends, hanggang sa pagkain ay magkatabi pa rin sina Little Rice Cake at

Little Red Bean.

Samantalang si Xu Jiamu naman ay umupo sa harapan ng dalawang bata para

alalayan ang mga ito kung sakali.

Anim na buwan na simula noong tinuruan nina Qiao Anhao at Lu Jinnian si Little Rice

Cake na kumain ng mag-isa kaya sa puntong ito, master na niya ang pag gamit ng

kutsara. Pero si Little Red Bean, kapansin pansin na hindi pa marunong humawak ng

kutsara at sa tuwing susubukan nitong sumubo, lagi lang nalalaglag ang nakukuha nito,

kaya bandang huli, sa sobrang gutom, nawalan na ito ng pasensya at kinamay na ang

pagkain nito.

Kaya bilang bantay, dali-dali itong pinigilan ni Xu Jiamu at nagrepresinta na subuan

nalang ang gutom na gutom na batang babae.

Gulat na gulat si Little Red Bean sa ginawa ng uncle ni Little Rice Cake, kaya ilang

segundo rin siyang nakatitig dito, na para bang nagdadalawang isip kung papayag siya

o hindi, pero bandang huli, siya na rin mismo ang ngumanga para isubo ang ibinibigay

nito at habang ngumunguya, hindi maalis ang ngiti niya kay Xu Jiamu.

Nang sandaling ngumiti ang batang babae sakanya, biglang bumilis ang tibok ng puso

ni Xu Jiamu, na para bang sasabog ang puso niya sobrang saya habang nakikita itong

masaya.

Pagkalunok ni Little Red Bean ng laman ng bibig nito, muli itong ngumanga, pero dahil

nakatulala lang si Xu Jiamu sa mukha ng batang babae, hindi niya napansin na gusto

pa ulit nitong sumubo, kaya bandang huli, gumawa nalang ito ng isang napaka cute na

tunog na "Ahhh" para mapansin niya.

Dahil dito, bigla siyang nahimasmasan at dali-dali itong sinubuan. Pero nang sandaling

makita niya ang inosente nitong mga mata, muli nanamang bumilis ang tibok ng

kanyang puso, kaya para hindi na maulit ang nangyari, bigla siyang yumuko at muling

sumalok ng isang kutsarang kanin. "Little Red Bean, ilang taon ka na?"

Puno pa ang bibig ni Little Red Bean, kaya nang sumagot siya, halos hindi na

maintindihan ang sinabi niya, pero buti nalang, nasanay siyang itaas ang tatlo niyang

daliri sa tuwing ito ang tanong sakanya.

Tatlong taong gulang…. Kumpara kay Little Rice Cake, anim na buwan itong mas

matanda sa pamangkin niya… Pero bakit mas mukha itong bata…

"Three years old… Ibig sabihin ate ka pala ni Little Rice Cake." Malambing na sagot ni

Xu Jiamu.

Pero nang marinig ito ni Little Rice Cake, na abalang kumakaing mag-isa, bigla itong

napatingin at nakasimangot na sumabat. "Gusto ko ako ang kuya."

Sakto, nakanganga na si Little Red Bean para isubo ang isang kutsarang ibinibigay ni

Xu Jiamu, pero nang marinig niya ang sinabi ni Little Rice Cake, dali-dali siyang

tumingin dito para sumagot. "Pero sabi ni uncle, ako ang ate mo."

"Ako ang kuya mo."

"Hindi, ako ang ate mo."

"Kuya."

"Ate."

"Kuya."

…

…

At kagaya ng mga tipikal na bata, wala ni isa sakanila ang gustong magpatalo,

hanggang sa napagod nalang si Little Red Bean at tinawag nalang na 'kuya' si Little

Rice Cake.

Na wala namang pagdadalawang isip na sinagot ng napakapilyong Little Rice Cake, ay,

"Bakit?"

Natural, pakiramdam ni Little Red Bean ay binully nanaman siya ni Little Rice Cake,

kaya malungkot siyang tumingin kay Xu Jiamu para magsumbong. "Uncle, binubully po

ako ni Little Rice Cake."

Nang sandaling magkasalubong ang kanilang mga mata, pakiramdam ni Xu Jiamu ay

parang biglang natunaw ang puso niya, kaya sa pagkakataong ito, hindi niya na

napigilan ang sarili niya na bigla itong yakapin. "Good Girl…"

Wala naman ding pagdadalawang isip na yumakap si Little Red Bean sakanya, pero

noong naramdaman niya ang matataba at maliliit nitong braso na pumulupot sakanyang

leeg, pakiramdam niya ay para siyang sinilaban sa loob ng kanyang katawan at bigla

nalang siyang nablangko.

Pabilis ng pabilis ang tibok ng puso niya, pero hindi niya man alam kung bakit, sigurado

siya na sobrang kuntento at komportable niya sa posisyon nila ni Little Red Bean, kaya

habang nakayakap sa batang babae, hindi niya napigilang mapangiti na abot hanggang

tenga…. Pero hindi pa man din nagtagal ay biglang umalingawngaw ang papalapit na

boses ng principal. "Kanina ka pa namin hinihintay. Buti nalang at nakarating ka na."