Ang Love Letter Mula sa Nakaraan (10)

Lu Jinnian,

Alam kong hindi mo inaasahan ang sulat na 'to, pero wag ka sanang mailang.

May nakadrawing pa na smiley face sa tabi ng salitang 'maiilang', kaya kahit

naguumpisa palang at wala pa siya sa mismong punto ay hindi niya na

napagilang mapangiti.

May kasabihan na ang lahat ng tao sa mundong ito ay nageexist para hanapin ang

kanilang kabiyak, sa tingin ko nakita ko na ang para sa akin, at ikaw yun.

Gulat na gulat si Lu Jinnian nang mabasa niya ang sumunod na linya dahil

parang sobrang pamilyar nito para sakanya, pero kung saan niya narinig, yun

ang hindi niya matandaan.

Biglang kumunot ang kanyang noo at nagpatuloy sa pagbabasa.

Wala akong ibang hinihiling dahil ang gusto ko lang ay ang makasama ka.

Hindi rin ako magaling sa mga salita, pero ang gusto ko lang sanang sabihin ay kahit na

sa susunod na fifty years ay kaya pa rin kitang mahalin kagaya ng pagmamahal ko sayo

ngayon.

Sa mga natitirang araw ng buhay ko, wala na akong mamahalin pang iba ng katulad ng

pagmamahal ko sayo.

Habang patagal ng patagal ay palakas din ng palakas ang kutob niya...

Oo...tama... siguradong narinig niya na ito noon.

Wala kang ideya kung gaano kahirap para sa akin ang lapitan ka mula noong unang

araw na nagkita tayo.

Marami akong pangarap, pero ang lahat ng iyon ay ikaw. Marami akong kahilingan,

pero ang lahat ng iyon ay ang makapiling ka. Marami akong gusto, pero ang lahat ng

iyon ay ang mahalin mo ako.

At sa wakas, naalala niya na! Parehong-pareho ito sa narinig niyang sinasabi ni

Qiao Anhao sa voice recording na binigay sakanya noon ni Qiao Anxia.

At.... sa wakas! Naalala niya na kung saan niya narinig ang mga ito... Sigurado

siya na ito ang mga narinig niyang sinabi ni Qiao Anhao sa voice recorder na

iniwan ni Qiao Anxia sa sasakyan niya noon.

Teka... Anong nangyari?

Bakit yung confession ni Qiao Anhao para kay Xu Jiamu ay biglang naging sulat

para sakanya?

Para sa mundong ito, marahil ay isa ka lang simpleng tao. Pero sa akin, ikaw ang

buong mundo.

For the rest of my life, I will only love you.

Sa ilalim ng sulat ay may dalawang linya ng kanta na nakasulat gamit ang kulay

pink na ballpen: Rainy days aren't the most beautiful / It's the house we hid to

shelter from the rain that is...

Qiao Anhao

Sa likod ng liham ay may nakasulat na petsa na limang taon na ang

nakakalipas.

Ibig sabihin limang taon na ang nakakalipas noong isinulat ito ni Qiao Anhao?

Noong mga panahon na 'yun, abala siya sa pagfifilm ng isa sa mga kauna-

unahan niyang pelikula sa Hangzhou, habang si Qiao Anhao naman ay

nagaaral sa Beijing, at pareho silang malapit ng grumaduate... Hindi pamilyar

sakanya ang eksaktong petsa na nakasulat, pero hinding hindi niya

makakalimutan ang nangyari sampung araw bago ang petsa na ito...

Noong araw na 'yun, bumyahe si Qiao Anhao ng magisa sa Hangzhou at

nanakawan ito ng wallet kaya tinawagan siya nito habang nasa kalagitnaan siya

ng pagfifilm sa Hengdian. Sa sobrang pagaalala, hindi niya inalintana ang layo

at lakas ng ulam mapuntahan lang ito kaagad... Yun din ang pinaka unang

beses na natulog sila sa iisang kwarto ng magkasama kaya sinamantala niya

ang pagkakataon na palihim itong halikan... at yun din ang gabi na pinangako

niya rito at sa sarili niya na sa oras na matapos na ang pagfifilm niya ay

manliligaw na siya dahil alam niya noong mga panahon na may kakayahan na

siya sa pinansyal dahil naguumpisa ng makilala ng buong China ang pangalan

niya bilang isang aktor.

Ibig sabihin... sinulat ito ni Qiao Anhao sampung araw bago ang gabing 'yun...

Hindi niya inaasahan na may mga ganitong rebelasyon siyang mababasa kaya

para kumpirmahin, nilapit niya ang papel sa mukha niya para titigan ito ng mas

malapitan.

Tandang tanda niya na sinabi ni Qiao Anhao sa bandang dulo ng recording:

"For the rest of my life, I will love you the most."

Na sinagot naman ni Xu Jiamu:"For the rest of my life, I will only love you."

Ha?! Bakit naman sa lahat ng isusulat ni Qiao Anhao sa love letter nito para

sakanya ay yung naging sagot pa talaga ni Xu Jiamu rito?

Teka... Ano ba talagang nangyayari?