Ang mga text message sa phone (30)

"Bakit mo ginawa 'yun? Ikaw…"

Sampung segundo pa ang lumipas bago nakilala ni Qiao Anhao na ang

pinanggagalingan ng boses ng babaeng nagsasalita ay walang iba kundi si

Han Ruchu, pero bago ito matapos sa pagsasalita, narinig niya naman ang

boses ni Lu Jinnian. "Paano mo magagawang tumingin kay Xu Jiamu, na

minsan ng nagligtas ng buhay mo? Sa loob ng maraming taon, wala siyang

ibang ginawa kundi ang maging mabait sayo, nakalimutan mo na ba? May

puso ka ba!" Mrs. Han, nasabi mo na ba ang lahat ng gusto mong sabhin?"

Sadlit na nahimik ang recording pen hindi nagtagal, muli niyang narinig si Lu

Jinnian, "Pwede kong sabihin kay Xu Jiamu na malinis ang konsensya ko! Eh

ikaw? Mrs. Han, kaya mo rin bang gawin 'yun? Bilang isang nanay, kaya mo

bang maging tapat at sabihing ginawa mo ang lahat ng may malinis na

konsensya?"

"Nagbibiro ka ba! Ninakaw mo ang lahat kay Jiamu. Sinasabi mo ngayon na

malinis ang konsensya mo, pero nakalimutan mo na ba na isa kalang hampas

lupa na dapat na hindi na ipinanganak sa mundong ito! Ang nanay mo ay

isang nakakahiyang kirida at bilang nanay ni Jiamu, bakit naman ako

makokonsensya? Ipapaalala ko lang sayo, na kahit mapasayo pa ang Xu

Enterprise, hinding hindi mo pa rin mababago na isa ka lang hampas lupat at

hindi mo maitatanggi ang katotohanan na ang nanay mo ay isang pokpok!"

"Oo. Tama ka. Isa ngang pokpok ang nanay ko. Ang nanay ko ay isang kirida

na nagbigay ng buhay sa akin. Ngayon palang naming natanggap ang

hustisyang kailangan namin. Kahit na mahirap lang ang nanay ko, bilang anak

niya, naging mabuti pa rin siyang ina, isang napakagaling na ina at hindi

kagaya mo na isang kriminal!

"Anong ibig mong sabihin?" Ramdam sa boses ni Han Ruchu ang pagkagulat

nito.

"Iniisip ko nga kung alam nab a ni Jiamu na ang kamay ng nanay niya ay

punong puno ng dugo. Hindi na ito naawa sa isang dalawang buwang taong

gulang na bata…. Ang kayang magiging tingin niya sayo sa oras na mamulat

siya sa katotohanan?"

"So alam mo na pala."

"Oo, alam ko na. Dahil sa sleeping pills na nilagay mo sa swallow's nest ni

Qiao Anhao kaya siya nakunan. Mrs. Han, sobrang pinaghandaan mo ang

lahat, pero nakakahiya ka dahil ikaw mismo ang gumawa ng paraan para

mapahamak ka."

"Kailan mo nalaman?"

"Kaya pala napurnada ang investment ko na nagkakahalaga ng ilang bilyon

ay dahil minanipula mo ito? Ikaw din ang dahilan kung bakit lalong bumagsak

ang stocks ng Xu Enterprise? Gusto mong agawin ang Xu Enterprise para

maghirap kami ni Wanli, tama ba ako?"

Sa puntong 'to, halata sa boses ni Han Ruchu na hindi na nito kayang magtimpi

at magpanggap na kalmado. Bagamat tuloy-tuloy lang ang pagsasalita nito,

malinaw na balisa na ito.

"Tama ka."

"Anong kailangan kong gawin para tumigil ka? Pinaghirapan ko ang lahat ng

ito. Pwede mo akong puntahan…"

"Mrs. Han, kung sa tingin mo titigilan kita, tandaan mo ito… Wag ka ng

umasa!"

Hindi niya maintindihan ang huling sinabi ni Lu Jinnian dahil halos hindi na ito

makapagsalita ng maayos sa sobarng panggigil, at dito na rin natapos ang

recording.

Napahawak si Qiao Anhao ng mahigpit sa recording pen at dahil sa mga narinig

niya, lalo lang tumindi ang galit niya kay Han Ruchu pero kailangan niyang

kumalma kaya pagkabulsa niya ng pen, yumuko muna siya para magpahupa ng

emosyon. Noong sandaling iangat niya muli ang kanyang ulo, ang phone naman

na nasa loob rin ng drawer ang umagaw ng kanyang atensyon.

Hindi ba ito ang phone na ginagamit ni Lu Jinnian dati… Sigurado siya na ito

ang phone na binili ng asawa niya matapos nilang maaksidente sa set ng

'Heavenly Sword'. Halatang hindi pa ito masyadong nagagamit kaya hanggang

ngayon ay mukha pa rin itong bago. Pero bakit hindi na ito ginagamit ni Lu

Jinnian?