Purplecloud Thunder Roc

Ang babaeng sumusunod sa mga taong mula sa Moon Illumination Sect ay walang iba kung hindi si Chi Mei, ang mamamatay-tao ng Mountainshade Black Market. Sa kasalukuyan, nakatingin siya kay Duan Ling Tian habang kausap ang sarili, "Sigurado akong makikita natin siya kapag siya ay ating sinundan."

"Zier, babalik ako matapos ang ilang sandali. Tulungan mo akong magmanman sa kaniya ha? Huwag mo siyang patatakasin sa iyong tingin," sabi ni Chi Mei sa lilang ibon sa kaniyang balikat.

"Sige, Sister," sagot ng lilang ibon, "Nakakabagot! At akala ko ay matutuwa ako rito nang kaunti."

"Kung nais mong magpakasaya, maaari kang makipaglaro ng ilan kasama nila, tama? Gayunman, siguraduhin mong hindi mo gagalawin ang mga malapit sa kaniya," sagot ni Chi Mei habang nakatingin sa mga tao sa harapan.

Nang marinig ito, sumigla ang lilang ibon at kaagad na natuwa. Pinilit nito si Chi Mei, "Sister, dalian mo at bumalik ka!"