2 IKALAWANG YUGTO (CHAPTER 2)

BAHAGHARI - IKALAWANG YUGTO

Panibagong talata at panibagong kabanata

Nadugtugan ang kwento ng hindi ko inaakala

Mabibigyan pala ng pagkakataong maisulat muli ang hindi kayang sabihin ng mga labi

Hayaan mong Ipagpatuloy ko ang nasimulang kwento,

At Ibahagi kung ano nga ba ang nilalaman nito

Umpisahan nating Hatiin ang mga salitang BA – HAG- HARI na nabibilang sa titulo

BA- BAkit pinahintulutan ng tadhanang maging isang nilalang ang tulad mo,

Ano ng aba ang kahulugan ng bawat letra sa pangalan mo?

At ano ng aba ang tunay na kwento ng buhay mo

Dumating kang isang biyaya para mabigay halaga at dahilan sa buhay ng isang tao

Na kahit saan mong hanaping diksyonaryo

Iisa lang ang isang tulad mo

Dahil isa ka sa mga sagot sa mga dasal, na akala ko'y hindi mangyayari subalit sinagot ng maykapal

HAG- Hahanapin ang mga dahilan ng aking Galak sa bawat halaklak

Ngunit hindi ko maintindihan dahil kasabay ng saya na aking nararamdaman ay

Patuloy naman ang pagpatak ng mga luha na sa aking mga mata'y hindi maitago ang tunay na nadarama

Hindi ko maintindihan kung ito nga ba ay luha na mula sa puso ko na puno ng kagalakan

O ito'y luha na sana hindi na matapos ang araw na ikaw ay aking hagkan hagkan.

Eto na nga ang huling mga salita na bubuo sa titulo

Ngunit sa pagkakataong ito, marami pa akong dapat sabihin sayo

Mga katagang nais marinig ng mga tenga mo

Ngunit patawarin mo ako

Sa mga panahong nananatiling sarado ang bibig kong ito

Sa tuwing naririnig ko ang mga katagang 'Miss na kita"

Alam ko naman ang kasagutan ngunit hindi ko maisambit ang mga salitang miss na rin kita

Ngunit gusto kong malaman mo na sa tuwing ito'y naririnig ko

Ito'y nagmimistulang krayola na nagbibigay ngiti sa mga labi ko

Dahil sa bawat segundo, minuto at oras na tumatakbo sa araw araw na gumigising ako

Hindi nawawala sa isip ko ang mga katanungang "kamusta kaya ang kaibigan ko"

Siya ba'y nakangiti at nakatawa?

Hindi ko man makita ang ngiti sa yong mga muka

Hahayaan ko na lamang na Tanging pagtitiwala ang syang kakawala sa mga isip kong walang hinto sa pagaalala

Maniwala ka man sa hindi ngunit ito'y totoo

Hindi ko man masabi sayo, ang mga salitang gustong marinig ng mga tenga mo

Bigyan sana ako ng lakas ng loob na isang araw masabi ko rin ito sayo

O di kaya naman bago pa magwakas ang ikalawang yugto na ito

Bigyan sana ng pagkakataong magkaroon ng kahit kaonting panahon na magbuo ng mga alaalang babaunin mo

Hanggang kabilang ebayo

Dahil walang sigurado sa mundong ito

Na baka isang araw, hindi na maisulat ang mga susunod na kwento.

Datapwa't eto na ang pinakahihintay mo

Panahon na kung saan nagkaroon ng dahilan para may isang tao na tulad mo ang mabuhay sa mundong ito

Buwan ng Setyembre ika siyam na araw tao'ng dalawang libo't dalawang pu't isa , panahon na pinakahihintay mo

Dahil ngayon ay kaarawan mo

Maligayang bati sayo ito'y isang pagbati

Na walang halong pighati

Ano ba ang regalo na nais makuha ng puso mo?

Hindi man natin sama samang pagsasaluhan ang mga pagkaing inihanda mo

Sapat na sa amin na ika'y makasama, malusog, masaya at patuloy lumalaban sa pandemyang ito

Maging kakulay sana ng bahaghari ang araw na ito

At magkaroon ng mga alaalang dadagdag sa kwento mo

Hindi mo man matanggap ang regalong hinahangad ng puso mo

Laging tandaan na ang regalong dapat mong pagkaingatan

Ay matagal mo ng nakuha

Dahil ito'y binigyan ka ng pagkakataong mabuhay sa mundo

Para magbigay ng saya, ngiti at inspirasyon sa mga tao

Ang tanging hiling ko lang sayo na sana'y wag kang huminto na abutin ang mga pangarap mo

Hayaan mo ang mga paa mong lumakad sa daan kung saan mararating mo ang mga lugar na nais ng puso mo,

kasama ng mga taong minamahal mo

At kapag nakuha mo na ito

Hindi mo sana makalimutan ang mga panahong

Kami'y naririto para sayo

Huwag sanang mawala ang pagiging busilak ng iyong puso

Na ang tanging hanggad lamang nito

Ay magmahal at mahalin ng mga taong nakapaligid sayo

Patuloy mo sanang hanapin ang mga dahilan na nagiging dahilan ng kasiyahan mo

Panatilihin mo ang pagkakaroon ng puso na handang umintindi at magmahal ng walang kaakibat na sumbat

Maging kasing kulay sana ng bahaghari ang buhay na niregalo sayo

At ipangako mo rin sa akin na hindi mo na ulit buburahin ang kulay nito

Dahil kapag ito'y nawalan ng kulay at saysay, paano na magpapatuloy sa daang may panghihinayang.

Ayaw kong sayangin ang panahong binigay sa akin para maintindihan ang kung ano nga ba ang dahilan para masulat ang kwentong bahaghari

Eto na ang huling salita na bubuo sa titulong

Ito

HARI - hayaan mong Maghari ang ngiti sayong mga labi

Ipakita ang Ngiti na walang halong pagkukunwari 

dahil ito ang isang bagay na kahit na anong mangyari

Ngiti mo lamang ay mapapawi na ang lungkot sa aming mga labi

Mahalin at Ingatan mo palagi ang iyong sarili

Dahil katulad ng isang bahaghari ika'y nagsisilbing kulay at liwanag

Kami'y titingala lang at makikita ang kinang

Hayaan mong ika'y aming pagmasdan lang

Dahil natutuwa kaming makita kang

Tumatayo at Natututong lumaban sa mundong

Hindi mo kontrolado

Ako'y nagagalak na nabuo na ang mga salitang kabilang sa titulong ito BA-HAG-HARI

Tandaan mo sana ang mga kahulugan nito

Dahil ito'y para sayo

At eto ang dadagdag ng ilang porsyento

Ng kwento mo.

Huwag mo sanang kalimutan ang bahagharing naging parte nito

Dahil sasapit nanaman ang maulang panahon

Babagsak ang maraming ulan na magiging dahilan

Ng pagkawala ng kulay sa kalangitan

Na nagbibigay lakas sa bawat pagdaanan sa daang walang kasiguraduhan

Ang aking katanungan ay

Maglalakbay nanaman ba, ng punong puno ang pusong walang mapaglagyan

Ng mga bagay na hindi alam kung paano hahawakan

Ngunit sana'y sa daan kung saan ikaw lang ang nakakaalam

Bigyan sana ng oras para mabigyan ang sarili na maging matapang at mahanap sana ang mga kasagutan

Sa bawat katanungan...